मिटकरींची गाडी फोडणाऱ्या मनसैनिकाचा मोठा निर्णय, राज ठाकरेंची साथ सोडली, ‘या’ पक्षात प्रवेश

Akola News : राष्ट्रवादी काँग्रेस अजित पवार गटाचे आमदार अमोल मिटकरी (Amol Mitkari) यांच्या गाडीची तोडफोड करणाऱ्या मनसे कार्यकर्ता सचिन गालट (Sachin Galat) यांनी शिंदेंच्या शिवसेनेत प्रवेश केला आहे. आज अकोल्यात (Akola) शिवसेनेचे उपनेते आणि संपर्कप्रमुख माजी आमदार गोपीकिशन बाजोरिया यांच्या उपस्थितीत त्यांनी शिवसेनेत प्रवेश केलाय. यानंतर सचिन गालट यांची शिंदेंच्या शिवसेनेच्या बार्शी टाकळी तालुका प्रमुखपदी नियुक्ती करण्यात आली आहे. 

अमोल मिटकरींच्या गाडीच्या तोडफोड प्रकरणी मनसेच्या 25 कार्यकर्त्यांवर गुन्हे दाखल 

मनसे कार्यकर्त्यांनी 30 जुलै 2024 रोजी अकोल्याच्या शासकीय विश्रामगृहावर आमदार अमोल मिटकरी यांच्या गाडीची तोडफोड केली होती. गाडीच्या तोडफोड प्रकरणी मनसेच्या 25 कार्यकर्त्यांवर गुन्हे दाखल करण्यात आले होते. गुन्हे दाखल झालेल्या कार्यकर्त्यांपैकी जय मालोकार हृदयविकाराच्या तीव्र झटक्याने मृत्यू झाला होता. जय मालोकारच्या कुटुंबीयांना मनसे प्रमुख राज ठाकरे आणि अमित ठाकरे यांनी भेट दिली होती. शिंदेंच्या शिवसेनेत प्रवेश केल्यानंतर सचिन गालट आणि अमोल मिटकरींचे मनोमिलन होणार का?,याकडे राजकीय वर्तुळाचे लक्ष लागलं आहे.

महत्वाच्या बातम्या:

Raj Thackeray : राज ठाकरेंना पक्षाची मान्यता टिकवण्यासाठी किती आमदारांची गरज आणि किती मते मिळवावीच लागणार?

अधिक पाहा..