Amravati Police Murder Case : अमरावती शहरातील सहायक पोलीस उपनिरीक्षक (ASI) अब्दुल कलाम हत्या प्रकरणातील आरोपींना पोलिसांनी बेड्या ठोकल्या आहेत. एएसआय कलाम हत्या प्रकरणी स्थानिक गुन्हे शाखेच्या युनिट 2 ने तीन आरोपींना ताब्यात घेतलंय. फाजील खान साबीर खान, जियान उद्दीन ऐसान उद्दीन (वय 22) आणि आवेज खान अयुब खान (वय 22) असे या आरोपींची नावे असून त्यांना अमरावती पोलिसांकडून आता अटक करण्यात आली आहे.
तर फाजील खान साबीर खान याला ख्वाजानगरमधून जखमी अवस्थेत ताब्यात घेतले असल्याची माहिती समोर आली आहे. सध्या त्याच्यावर खाजगी रुग्णालयात उपचार सुरू आहे. त्याचा डावा पाय अपघातात फॅक्चर झाला असल्याची माहिती ही समोर आली आहे. मात्र एएसआय अब्दुल कलाम यांची हत्या नेमकी का आणि कोणत्या कारणातून करण्यात आली हे अद्याप कळू शकलेलं नाही. परिणामी पोलीस आता त्या दिशेने ही कसून चौकशी करत आहेत.
आधी कारने उडवलं, नंतर सपासप वार करुन हत्या
अमरावतीतील सहायक पोलीस उपनिरीक्षक अब्दुल कलाम अब्दुल कादर असं हत्या करण्यात आलेल्या पोलीस अधिकाऱ्याचं नाव आहे. कलाम यांच्या टू व्हिलरला आरोपीने आधी फोर व्हिलरने धडक दिली. त्यानंतर त्यांच्या पोटावर आणि छातीवर धारधार शस्त्राने सपासप वार करण्यात आले. घटना घडल्यानंतर हल्लेखोर फाजील खान घटनास्थळावरुन पसार झाला होता. या घटनेनंतर संपूर्ण पोलीस विभागसह अमरावती शहरात एकच खळबळ उडाली होती. दरम्यान, पोलिसांनी या प्रकरणाचा तपास सुरू करत आरोपीचा शोध घेतला असता त्याला ख्वाजानगरमधून जखमी अवस्थेत ताब्यात घेण्यात आलं. सध्या त्याच्यावर खाजगी रुग्णालयात उपचार सुरू आहे. मात्र या हत्येमागचे नेमकं कारण काय? हे अद्याप समोर आलं नाही. दुसरीकडे एका पोलीस अधिकाऱ्याचीच अशा पद्धतीने हत्या करण्यात आल्यानंतर सर्वसामान्यांची सुरक्षा कशी करणार? असा प्रश्न उपस्थित केला जात आहे.
हत्ये मागचं नेमकं कारण काय?
पुढे आलेल्या माहितीनुसार, एस आय कलाम हे अमरावती पोलिस आयुक्तालय अंतर्गत वलगाव पोलीस स्टेशनमध्ये कार्यरत होते. ते त्यांच्या टू व्हिलरवरून जात असताना त्यांच्या बाईकला एका फोर व्हिलरने धडक दिली. त्यानंतर कलाम यांच्या पोटावर आणि छातीवर धारधार शस्त्राने वार करण्यात आले. या हल्ल्यामध्ये कलाम हे गंभीर जखमी झाले. त्यानंतर त्यांना नजिकच्या बेस्ट हॉस्पिटलमध्ये उपचारासाठी दाखल करण्यात आले. पण तोपर्यंत डॉक्टरांनी त्यांना मृत घोषित केले. घटनास्थळावर पोलिस आयुक्त अरविंद चावरिया यांनी भेट दिली. हल्लेखोरांना शोधण्यासाठी पोलिसांचे दोन पथक रवाना करण्यात आले होते. अशातच आता आरोपी फाजील खान साबीर खान स्थानिक गुन्हे शाखेच्या युनिट 2 ने या आरोपीला ताब्यात घेतलंय.
हे ही वाचा
आणखी वाचा
