MNS On Marathi: महाराष्ट्र नवनिर्माण सेनेचा पुन्हा एकदा मराठी बाणा पाहायला मिळतोय. राज ठाकरेंच्या आदेशानंतर मनसैनिक आक्रमक झालेत. मराठीच्या आग्रह धरत मनसैनिकांनी राज्यात ठिकठिकाणी आंदोलनं केल्याचं पाहायला मिळालं. तर पवईत मराठीचा अवमान करणाऱ्याला मुजोर सुरक्षारक्षकाला मनसैनिकांनी चोप दिलाय.
गुढी पाढव्याच्या मेळाव्यात राज ठाकरेंनी दिलेल्या आदेशानंतर मराठीच्या मुद्द्यावर महाराष्ट्र नवनिर्माण सेना आक्रमक झाल्याचं पाहायला मिळतंय.मुंबई आणि पुण्यात मनसैनिक मराठीच्या मुद्द्यावर आग्रही पाहायला मिळाले.
मनसेच्या गुढी पाडव्याच्या मेळाव्यात राज ठाकरेंनी बँकांमधील व्यवहार मराठीत चालतात का? हे तपासण्याचे आदेश राज्यातील मनसैनिकांनी दिले होते. त्यानंतर ठाण्यातील मनसैनिकांनी स्टेट बँकेला भेट देत. बँकेत लावण्यात आलेले हिदि फलक हटवलेत.. आणि बँकेत मराठी फलक लावण्याची मागणी मनसेच्या पदाधिकाऱ्यांनी केलीय.
पुण्यात वाहतूक पोलिसांनी लावलेल्या इंग्रजी पाट्यांविरोधातही मनसे आक्रमक झालीय.इंग्रजी पाट्यांवरून मनसेनिकांनी पोलिसांना जाब विचारलाय. पुण्यातील लक्ष्मी रस्त्यावर इंग्रजी पाट्या लावण्यात आलेत. भारतात आहोत की इंग्लंडमध्ये”? असा प्रश्न वाहतूक पोलिसांना मनसेकडून विचारण्यात आलाय.
मुंबईच्या पवईत मराठीबाबत आक्षेपार्ह विधान करणा-या सुरक्षरक्षकाला मनसैनिकांनी चोप दिलाय. मनसैनिकांनी सुरक्षारक्षकाला चोप देत माफी मागायला लावलीय. पवईतील एल अँड टी इमारतीतील एका सुरक्षारक्षकाचा एका मराठी युवकासोबत काही कारणावरून वाद झाला. यावेळी युवकाने सुरक्षारक्षकाला मराठीत बोलण्यास सांगितलं होतं. त्यावर सुरक्षारक्षकाने मराठीविषयी वादग्रस्त विधानं केली. त्यानंतर मनसैनिकांनी संबंधित सुरक्षारक्षकाला चांगलाच प्रसाद दिलाय.
दरम्यान महाराष्ट्रात राहणाऱ्या प्रत्येकाला मराठी भाषा आली पाहिजे. मात्र त्यासाठी कोणी कायदा हातात घेत असेल तर कारवाई केली जाईल अशी भूमिका शिवसेनेचे प्रवक्ते डॉ राजू वाघमारेंनी मांडलीय. महापालिका निवडणुकीच्या तोंडावर राज ठाकरेंच्या मनसेनं पुन्हा एकदा मराठीचा बाणा स्विकारल्याचं पाहायला मिळतंय. त्यामुळे आगामी काळात मुंबईत मराठीचा मुद्दा चांगलाच जागण्याची शक्यताय.
‘लाडकी बहीण योजना होणार बाद’; राज ठाकरेंचं भाकीत खरं ठरणार?
मुख्यमंत्री माझी लाडकी बहीण योजनेअंतर्गत राज्यातील आर्थिकदृष्ट्या दुर्बल महिलांना दरमहा 1500 रुपये देण्यात येतात. आता एप्रिल महिन्याच्या हप्ता कधी मिळणार? याबाबत महिलांना उत्सुकता लागली आहे. अशातच लाडकी बहीण योजना बंद होणार, असे भाकित महाराष्ट्र नवनिर्माण सेनेचे अध्यक्ष राज ठाकरे यांनी केलं आहे. लाडकी बहीण योजनेमुळे सरकारवर मोठा आर्थिक बोजा पडतोय.लाडक्या बहिणांना 2100 रुपये निधी केल्यास सरकारवर वर्षाला 63 हजार कोटींचा बोजा पडणार असल्याचंही राज ठाकरे म्हणालेत.राज ठाकरेंच्या या भाकितावर सत्ताधा-यांनी टीका केलीये.योजनेमुळे सरकारवर ताण येतोय, हे खरंय पण लाडक्या बहिणींना आम्ही वा-यावर सोडणार नाही.उत्पन्न वाढण्यावर आमचा भर आहे असं शंभुराज देसाई, प्रवीण दरेकर यांनी म्हटलंय.’लाडक्या बहिणींना वा-यावर सोडणार नाही. 2 वर्षांत आर्थिक स्थिती भक्कम होईल, असं सत्ताधाऱ्यांकडून सांगण्यात येतंय.
