Chandrashekhar Bawankule : 2047 मध्ये भारताला जगाची गरज पडणार नाही तर जगाला भारताची गरज पडणार असल्याचं वक्तव्य मंत्री चंद्रशेखर बावनकुळे (Chandrashekhar Bawankule) यांनी केलं. कंसरुपी मायावी कॉंग्रेस पार्टीला वरुड मोर्शीत भुईसपाट करायचं असल्याचे बावनकुळे म्हणाले. आजचा पक्ष प्रवेश अमरावती जिल्ह्यातील काँगेसला धक्का देणारा आहे. उत्तर, पश्चिम महाराष्ट्र आणि मराठवाड्यामध्ये अनेक नेत्यांनी काँगेस सोडल्याचे बावनकुळे म्हणाले.
काँग्रेसचे माजी आमदार नरेशचंद्र ठाकरे यांचे पुत्र विक्रम ठाकरे यांनी भाजपात प्रवेश केला.
वरुड – मोर्शी मतदार संघात हा काँग्रेसला मोठा धक्का बसला आहे.
मोदींच्या विकासाला कीड लावण्यासाठी काँगेस काम करत असल्याची टीका बावनकुळे यांनी केली. वरुड-मोर्शी मतदारसंघात काँग्रेसला मोठा धक्का बसला आहे. काँग्रेसचे माजी आमदार नरेशचंद्र ठाकरे यांचे पुत्र विक्रम ठाकरे यांनी भाजपात प्रवेश केला आहे. भाजपचे महसूल मंत्री तथा अमरावती पालकमंत्री चंद्रशेखर बावनकुळे यांच्या उपस्थितीत हा प्रवेश झाला. त्यावेळी बावनकुळे बोलत होते.
भाजपचा माजी पदाधिकारी असला तरी त्याला काम दिलं जातं
विक्रम ठाकरे हे काही दिवसांपासून भाजपच्या संपर्कात होते. गेल्या विधानसभा निवडणुकीत महाविकास आघाडीकडून उमेदवारी न मिळाल्याने त्यांनी अपक्ष निवडणूक लढवली होती. काही दिवसांपूर्वी राज्यमंत्री पंकज भोयर यांनी विक्रम ठाकरे यांच्या घरी भेट दिली होती. आज अखेर विक्रम ठाकरे यांच्या प्रवेशामुळं काँग्रेसला विदर्भात पुन्हा मोठा धक्का बसला आहे. या पक्ष प्रवेशावेळी भाषण करताना अनिल बोंडे यांनी काँग्रेसवर सडकून टीका केली आहे. काँग्रेससारखं काम भाजपामध्ये नाही, भाजपचा माजी पदाधिकारी असला तरी त्याला काम दिलं जातं. सन्मान देखील दिला जातो असे अनिल बोंडे म्हणाले.
गेल्या काही दिवसापासून महाविकास आघाडीतील काँग्रेस राष्ट्रवादी काँग्रेस शरद पवार गट आणि शिवसेना ठाकरे गट या पक्षांना जोरदार धक्के बसत आहेत. या पक्षातील अनेक नेते पदाधिकारी सत्ताधारी पक्षांमध्य म्हणजे भाजपसह शिवसेना शिंदे गट आणि अजित पवार यांच्या राष्ट्रवादी काँग्रेसमध्ये प्रवेश करत आहेत. सध्या भाजपमध्ये मोठ्या प्रमाणात इनकमिंग सुरु असल्याचे चित्र पाहायला मिळत आहे. सांगली जिल्ह्यात काँग्रेसला भाजपने धक्का दिल्यानंतर आता अमरावती जिल्ह्यात देखील भाजपने काँग्रेसला धक्का दिली आहे.
महत्वाच्या बातम्या:
Chandrashekhar Bawankule on Uddhav Thackeray : देवेंद्र फडणवीसांवर टीका करण्याआधी आरशात पाहा, 100 कोटी वसुली प्रकरण जनता विसरलेली नाही; बावनकुळेंचा उद्धव ठाकरेंवर पलटवार
आणखी वाचा
