चक्क साधूच्या वेशात बिबट्याची शिकार अन् कातडीचा तस्करी; पुणे कस्टम युनिटची अकोल्यात मोठी कारवाई

अकोला : जिल्ह्यातून एक धक्कादायक बातमी समोर आली आहे. यात चक्क साधूच्या वेशात बिबट्याची शिकार करून बिबट कातडीचा तस्करी केला जात असल्याचा प्रकार समोर आलाय. बिबट्याची कातडी विक्रीचा प्रयत्न करणाऱ्या या तिघांना अकोल्यातल्या अकोटमधून अटक करण्यात आलीये. पुणे कस्टम युनिटने बिबट कातडी विक्रीचा प्रकार उघडकीस आणला आहे. आतापर्यंत बिबट्याची शिकार करून कातडी विक्री करणाऱ्या तिघांना गजाआड करण्यात आले आहे. अटकेमध्ये दोन वाहक आणि एक मध्यस्थाचा यामध्ये समावेश आहे. 

वन विभागाच्या अधिकाऱ्यांनी आरोपींच्या ताब्यातून एक बिबट्याची कातडी जप्त केलीय. विशेष म्हणजे बिबट कातडी विक्रीचा संपूर्ण व्यवहार साधूचा वेशात चालत होता. दरम्यान, आशिष सिकची, नंदकिशोर सिकची आणि राजकुमार सिकची असे अटक करण्यात आलेल्यांची नावे आहे. यातील एक आरोपी हा बाहेरील राज्यातील असल्याचेही तपासात पुढे आले आहे. सध्या या प्रकरणाचा पोलीस अधिक तपास करत आहेत.  

पुणे विभागाच्या अधिकाऱ्यांनी केला पर्दाफाश

विशिष्ट गुप्त माहितीच्या आधारे, राजस्व गुप्तचर संचालनालय (DRI), पुणे विभागाच्या अधिकाऱ्यांनी बिबट्याच्या कातडीचा अवैध व्यापार करण्याचा प्रयत्न करणाऱ्या या व्यक्तींना अकोट, जिल्हा अकोला, महाराष्ट्रातील जंगल भागात पाठलाग करून पकडले. या कारवाईदरम्यान, तीन व्यक्तींना ज्यामध्ये दोन वाहक आणि एका मध्यस्थाला ताब्यात घेण्यात आले. तपासणीदरम्यान, त्यांच्या ताब्यातून ८०.५ इंच x २५ इंच आकाराची बिबट्याची कातडी जप्त करण्यात आलीय. बिबट्या हा वन्यजीव संरक्षण कायदा, १९७२ च्या अनुसूची I मध्ये समाविष्ट आहे. आणि त्याच्या कातडीचा व्यापार, खरेदी, विक्री किंवा ताबा कठोरपणे प्रतिबंधित आहे. जप्त करण्यात आलेली कातडी आणि ताब्यात घेतलेले तिन्ही आरोपी पुढील तपासासाठी अकोला जिल्हा वनविभागाकडे सुपूर्द करण्यात आले आहेत.

समृद्धी मार्गावरून डिझेलची तस्करी ; आठ लाखाचा मुद्देमाल जप्त

वर्ध्यात अवैध डिझेल चोरट्या मार्गाने तस्करी करण्याच्या प्रकारात वाढ झाली आहे. समृद्धी महामार्गाने अवैध डिझेल वाहतुकीवर वर्ध्याच्या येळकळी येथे पोलिसांनी कारवाई केली आहे. यात 18 प्लास्टिक डबक्यामध्ये आयशर ट्रकने वाहून नेले जात असलेले डिझेल पोलिसांनी समृद्धी मार्गावर पकडले. पोलीस गस्तीवर असताना चालकविना उभा असलेला ट्रक रस्त्याच्या कडेला दिसला. पोलिसांनी पाहणी केली असता अवैध डिझेल आढळून आले आहेय. पोलिसांनी आठ लाख सहसष्ठ हजार रुपयांचा मुद्देमाल जप्त केला असून याप्रकरणी सिंदी रेल्वे पोलिसात गुन्हा दाखल करण्यात आला आहे.

हे ही वाचा 

अधिक पाहा..