मी गेलो की अजितदादा तिजोरीत पैसे आहेत की नाही पाहतील, चंद्रशेखर बावनकुळेंचा टोला  

Chandrashekhar Bawankule :  मी या सरकारमधून जेवढे पैसे आणू शकत नाही तेवढे पैसे आमदार संजय खोडके (Sanjay Khodke)  आणू शकतात. मी गेलो की अजितदादा (dcm Ajit Pawar)  तिजोरीत पैसे आहे की नाही? पाहतील, पण खोडके गेले की ते लगेच देतील असं वक्तव्य महसूलमंत्री चंद्रशेखर बावनकुळे (Minister Chandrashekhar Bawankule)  यांनी केलं आहे. ते अमरावतीत (Amravati ) आज प्रसारमाध्यमांशी बोलत होते.  संजय खोडके अजितदादांचे उजवे हात आहेत असे बावनकुळे म्हणाले. 

कर्ज फक्त मोठे लोकं बुडवतात

प्रत्येक आमदारांनी 100 बचत गट द्यावे, त्यांना उद्योगासाठी आपण एक लाख रुपये द्यावे. त्या एक हजार कोटी रुपयांचा व्यवसाय करतील असेही चंद्रशेखर बावनकुळे (Chandrashekhar Bawankule)  म्हणाले. लाडक्या बहिणी (ladaki bahin) आयुष्यभर तुमच्या  पाठीशी राहतील असे बावनकुळे म्हणाले. जपर्यंत एकही महिला बचत गटांनी कर्ज बुडवलं नाहीय. कर्ज फक्त मोठे लोकं बुडवतात असेही बावनकुळे म्हणाले. ते अमरावतीत प्रसारमाध्यमांशी बोलत होते. प्रत्येक विधानसभेला 100 बचत गट द्यावे, अशा सूचना बावनकुळे यांनी जिल्हाधिकाऱ्यांना दिल्या आहेत. तसेच यावेळी बोलताना बावनकुळे यांनी गावातील सरपंचाने पाण्याच्या व्यवस्थापनावर पाण्याची वॉटर लेवल वाढवण्यावर काम करा, जमिनीच्या पुनर्भरणावर भर द्या असे बावनकुळे म्हणाले. पुढच्या काळात खरा संघर्ष हा पिण्याच्या पाण्याचा असल्याचे बावनकुळे म्हणाले.

अमरावती शहर सुंदर करा! पोलिसांना सोबत घेऊन संपूर्ण अतिक्रमण काढा

मी मनपा आयुक्तांच अभिनंदन करतो. लोकांच्या तक्रारीसाठी व्हाट्सएप चॅट सुरु केला आहे. तातडीने त्याची दखल घेऊन त्याचा निपटारा होईल असे बावनकुळे म्हणाले. आयुक्तांना माझी सूचना आहे की अमरावती शहर सुंदर करा आणि पोलिसांना सोबत घ्या संपूर्ण अतिक्रमण काढा. मी मध्ये येणार नाही आणि आमदारही येणार नाहीत असे बावनकुळे म्हणाले. सिंधी समाज पट्टावाटप साठी 70 वर्षांपासून वाट पाहत होते, आता मुख्यमंत्री देवेंद्र फडणवीस यांच्या मार्गदर्शनाखाली 50 हजार पट्टे वाटप आम्ही करणार असल्याचे बावनकुळे म्हणाले. फेस अॅप डाउनलोड करुन घ्या. आता तुमचा पगार यातूनच होईल. फेस अॅपवर पगार होणार हे लक्षात घ्या. जुलैचा पगार होईल पण ऑगस्टचा पगार होणार नाही जर फेस अॅपवर आले नाहीतर असे बावनकुळे म्हणाले. 

महत्वाच्या बातम्या:

Land Fragmentation : जमिनींचे तुकडे प्रतिबंध अधिनियमात सुधारणांसाठी समिती स्थापन, GR जारी, 15 दिवसात अहवाल येणार

आणखी वाचा