Times Top News

Times Top News

ते कापाकापाची भाषा करत असतील तर आम्हीदेखील…; अमरावतीच्या राड्यानंतर नवनीत राणांचा इशारा

by | Nov 17, 2024 | Current Affairs


अमरावती : महाराष्ट्र विधानसभा निवडणूक 2024 चा (Maharashra Assembly Election 2024) प्रचार आता अंतिम टप्प्यात आला आहे. राज्यात सर्वच पक्षांकडून जोरदार प्रचार केला जात आहे. काल अमरावतीच्या दर्यापूरमधील खल्लार गावात भाजप नेत्या नवनीत राणा (Navneet Rana) यांची सभेत मोठा राडा झाला. काही लोकांनी सभेत खुर्च्या फेकत राडा घातला होता. या हल्यात नवनीत राणा थोडक्यात बचावल्या. आता या प्रकरणी नवनीत राणा यांनी आरोपींना जर अटक झाली नाही तर अमरावती जिल्ह्यातील सगळा हिंदू समाज या ठिकाणी एकत्र येईल, असा इशारा दिला होता. आता ते कापाकापाची भाषा करत असतील तर आमची देखील भाषा कापण्याची राहील, अस इशारा नवनीत राणा यांनी दिलाय. तसेच शिवसेना ठाकरे गटाचे प्रमुख उद्धव ठाकरेंवरही (Uddhav Thackeray) नवनीत राणांनी गंभीर आरोप केलाय. 

नवनीत राणा म्हणाल्या की, पोलिसांची सगळे टीम काम करत आहे. आम्ही एकालाही सोडणार नाही, असे पोलिसांनी मला सांगितले आहे. आम्ही लोकसभेत शांतीप्रिय प्रचार केला होता. आता सुद्धा आम्ही शांतीप्रिय पद्धतीने प्रचार करत होतो. त्या लोकांनी गोंधळ सुरू केला होता. मी शांततेत भाषण करत होते. माझ्या सभेत दोनशे ते अडीचशे अपंग व्यक्ती बसलेल्या होत्या. मी भाषण करताना ते लोक माझ्याबाबत आक्षेपार्ह पद्धतीने बोलत होते. 

आम्ही शांत बसणार नाही

सभा झाल्यानंतर मी लोकांना भेटत असताना मला पाहून त्या लोकांनी शिवीगाळ केली. आम्ही तुम्हाला मारून टाकू, असे म्हटले. त्यानंतर त्या लोकांनी खुर्च्या उचलून आमच्या लोकांना मारण्यास सुरुवात केली. माझ्या पोलीस सुरक्षा रक्षकांना देखील मारहाण झाली. माझ्यावर थुंकण्याचा प्रयत्न झाला. जर त्यांची भाषा कापण्याची असेल तर आमची देखील भाषा कापण्याची राहील, आम्ही शांत बसणार नाही, असा इशारा नवनीत राणा यांनी दिला. 

ते उद्धव बाळासाहेब ठाकरे नव्हे तर…

या प्रकरणी तुमचा कोणावर आरोप आहे? असे विचारले असता त्या म्हणाल्या की, ते गाव उद्धव ठाकरे यांच्या तालुकाध्यक्षांचे गाव आहे. उद्धव ठाकरे हे उद्धव बाळासाहेब ठाकरे नाहीत, ते जनाब उद्धव ठाकरे झाले आहेत. त्यांना आमच्या बाबतची चिड होती, त्याबाबतचे दृश्य महाराष्ट्राला दिसलेला आहे. पण ते विसरले की, आम्ही सुद्धा बाळासाहेब ठाकरे यांचे विचार घेऊन चालत आहोत. बाळासाहेब ठाकरे जेव्हा मंचावर उभे राहून पाकिस्तानला सरळ उत्तर देण्याचे काम करत होते. तसे मी सुद्धा त्यांचीच मुलगी म्हणून त्यांचे विचार घेऊन मैदानात उतरली आहे. 

आणखी वाचा 

मोदी म्हणाले, बाळासाहेबांची स्तुती करून दाखवा, पुण्यतिथिनिमित्त राहुल गांधींचं थेट ट्विट, म्हणाले

अधिक पाहा..



Source link

अमरावतीत नवनीत राणांच्या सभेत जोरदार राडा, राणांच्या अंगावर खुर्च्या भिरकावल्या, 40 जणांवर गुन्

by | Nov 17, 2024 | Current Affairs


अमरावती: राज्यात विधानसभा निवडणुकीच्या प्रचाराची रणधुमाळी सुरु असताना दर्यापूर मतदार संघातील रवी राणा (Ravi Rana) यांच्या युवा स्वाभिमान पक्षाचे उमेदवार रमेश बुंदीले यांच्या प्रचारार्थ नवनीत राणा (Navneet Rana) यांच्या उपस्थितीत खल्लार येथे जाहिर सभेचे आयोजन खल्लार येथे करण्यात आले होते. शनिवारी रात्री प्रचारसभा आटोपल्यानंतर नवनीत राणा परत निघाल्या असताना अज्ञात विशिष्ट एका गटाने नवनीत राणा यांच्यावर हल्ल्याचा प्रयत्न केला. त्यामुळे खल्लार गावात चांगलेच वातावरण तापले होते. यावेळी खुर्च्यांची फेकफाक करुन अज्ञातांनी चांगलाच गोंधळ घातला होता. काही जण तर नवनीत राणाच्या अंगावर धावून जाण्याचा प्रयत्न करीत होते. एका जमावाने नवनीत राणा यांच्यावरही खुर्च्या फेकण्याचा प्रयत्न केला.  मात्र, नवनीत राणा यांच्या सुरक्षेसाठी तैनात असलेल्या जवानांनी या खुर्च्या अडवल्या. या हल्ल्यात युवा स्वाभिमान पक्षाचे (Yuva Swabhiman) युवा जिल्हाप्रमुख आणि काही अन्य पदाधिकाऱ्यांना दुखापत झाल्याचे समजते. 

यावेळी मोठ्या संख्येने संतप्त कार्यकर्त्यांनी आणि नवनीत राणा यांनी पोलीस स्टेशनमध्ये धडक दिली. दोन तासानंतर हा हल्ल्याप्रकरणी खल्लार पोलीसांनी तक्रार दाखल करून 30 ते 40 जणांवर गुन्हे दाखल केले. पण आरोपींना सकाळी 10 वाजेपर्यंत अटक केली नाहीतर अमरावती जिल्ह्यातील सगळे हिंदू याठिकाणी दाखल होतील असा इशारा नवनीत राणा यांनी दिला आहे. त्यामुळे आता पोलीस याप्रकरणी काय कारवाई करणार, याकडे सर्वांच्या नजरा लागल्या आहेत. 

नवनीत राणा यांना धमक्या

नवनीत राणा यापूर्वी अनेक धमक्या मिळाल्या आहेत. 10 ऑक्टोबरला नवनीत राणा यांना धमकीचे पत्र आले होते. यामध्ये 10 कोटींच्या खंडणीची मागणी करण्यात आली होती. याप्रकरणी नवनीत राणा यांनी पोलिसांत तक्रार केली होती. दरम्यान, दर्यापूर येथील राड्यानंतर पोलीस या घटनेचा तपास करत आहेत. घटनास्थळावरील व्हिडीओच्या आधारे आरोपींची ओळख पटवली जात आहे. या घटनेनंतर पोलिसांनी दर्यापूरमध्ये सुरक्षा वाढवली आहे.

आणखी वाचा

भाषण संपताच स्टेज खचला; उद्धव ठाकरे कडेकडेनं उतरले, ठाण्यात नेमकं काय घडलं?, Video

अधिक पाहा..



Source link

राज्यात विधानसभा निवडणुक निकालानंतर सत्तेसोबत जाणार; वंचित नेते प्रकाश आंबेडकरांचे सूचक वक्तव्य

by | Nov 16, 2024 | Current Affairs


Prakash Ambedkar : महाराष्ट्र विधानसभा निवडणूक 2024 ची (Maharashtra Assembly Election 2024) रणधुमाळी सुरु झाल्यानंतर राजकीय घडामोडींना वेग आला आहे. महायुती (Mahayuti) आणि महाविकास आघाडीकडून (Mahavikas Aghadi) राज्यभरात जोरदार प्रचार केला जात आहे. या निवडणुकीच्या दरम्यान प्रचाराला आता अवघे काही दिवस शिल्लक राहिले असताना राजकीय खलबत देखील रंगू लागली आहे. अशातच ऐन निवडणुकीच्या तोंडावर वंचित बहुजन आघाडीचे प्रमुख प्रकाश आंबेडकरांनी (Prakash Ambedkar) मोठे विधान केलं आहे. राज्यातील विधानसभा निवडणुक निकालानंतर आम्ही सत्तेसोबत जाणार असल्याचे मोठे संकेत प्रकाश आंबेडकरांनी दिले आहे. अकोल्यात माध्यमांशी बोलताना प्रकाश आंबेडकरांनी हे मोठं वक्तव्य केलंय. त्यामुळे वंचित आगामी काळात नेमका काय पवित्रा घेते हे पाहणे महत्वाचे ठरणार आहे.        

निकालानंतर महायुती आणि मविआचे पर्याय खुले- प्रकाश आंबेडकर

राज्यातील विधानसभा त्रिशंकू राहणार असल्याचा अंदाज  प्रकाश आंबेडकरांनी व्यक्त केला आहे. राज्यातील सध्याचे राजकारण तत्वहीन असून सध्याच्या परिस्थितीत कोणीही कुठेही जाऊ शकतं. सध्याच्या परिस्थितीत आम्हाला सत्तेसोबत जाणं महत्त्वाचं वाटतं. या वक्तव्यातून प्रकाश आंबेडकरांनी निवडणूक निकालानंतर महायुती आणि महाविकास आघाडीचे पर्याय खुले असल्याचे स्पष्ट संकेत दिले आहे. तर ‘बटेंगे तो कटेंगे”च्या मुद्द्यावरही आंबेडकरांनी भाजपवर प्रहार केला आहे. विकासाचे मुद्देच नसल्यामुळे भाजप मतांचे धार्मिक ध्रुवीकरण करण्याच्या प्रयत्नात असल्याचा आरोपही त्यांनी केला आहे. माध्यमं जाणीवपूर्वक वंचितकडे दुर्लक्ष करत असल्याचा गंभीर आरोपही आंबेडकरांनी यावेळी बोलतांना केला आहे. ते अकोला येथे बोलत होते.

सत्ताधारी पक्ष अळ्या पेक्षा अळ्या झाला आहे-प्रकाश आंबेडकर

तुम्ही सभागृहात गेल्याशिवाय तुमच्या समस्या सुटणार नाहीत. तरीही तुम्ही भाजपाला मतदान करत असाल तर तुम्हाला कोण वाचवेल? अनेक वर्ष काँग्रसने सत्ता केली. त्यानंतर भाजप आल मात्र काय बदल झाला? तरी तुम्ही काँग्रेस आणि भाजपाला मतदान करता. साचलेल पाणी गढूळ होतं, त्यामुळे ते पाणी आपण पित नाही. कारण त्यात अळ्या असतात. असाच सत्ताधारी पक्ष अळ्या पेक्षा अळ्या झाला आहे. अशी टीका ही प्रकाश आंबेडकरांना बुलढाणा येथील सभेतून सरकारवर केली आहे. मी ओबीसींना सांगतो. स्थानिक स्वराज्य संस्थेतील आरक्षण गेलं. आता सुप्रीम कोर्टाच्या नावाने विधानसभा झाल्या की शिक्षण आणि नोकरीतील आरक्षण घालवतील, असेही प्रकाश आंबेडकर म्हणाले.

इतर महत्वाच्या बातम्या 

अधिक पाहा..



Source link

मी औरंगजेबाच्या कबरीवर गेल्यामुळे राज्यातील दंगली थांबल्या; प्रकाश आंबेडकरांचा दावा

by | Nov 15, 2024 | Current Affairs


अकोला : आपण औरंगजेबाच्या कबरीवर चादर चढवल्याच्या कृतीमुळे राज्यातील दंगली थांबल्याचा दावा वंचित बहुजन आघाडीचे अध्यक्ष प्रकाश आंबेडकर यांनी केलाय. ते अकोला जिल्ह्यातील कुरणखेड येथे अकोला पूर्व आणि मुर्तीजापुर मतदारसंघातील वंचितच्या उमेदवारांच्या प्रचार सभेत बोलत होते. गेल्या वर्षी प्रकाश आंबेडकरांनी खुल्ताबाद येथील औरंगजेबाच्या कबरीला भेट दिल्यानंतर राज्यात मोठा राजकीय गदारोळ उडाला होता.

जातीच्या आधारावर मतदान करत असाल तर माती खाल असा इशारा प्रकाश आंबेडकरांनी मतदारांना दिला. निष्ठावंत कार्यकर्ते आणि पक्षाला मतदान केलं तरच तुमचा विकास होऊ शकतो असं आवाहनही आंबेडकरांनी मतदारांना केलं. 

ठाकरे-शिंदेंच्या जागी वंचितला मतदान करा

दरम्यान, उद्धव ठाकरे आणि एकनाथ शिंदे यांच्या शिवसेनेमध्ये लढत असलेल्या राज्यातील 32 मतदारसंघात मुस्लिमांनी आपल्याला पाठिंबा द्यावं असं आवाहन आंबेडकरांनी केलंय. हे दोन्ही पक्ष बाबरी मस्जिद विद्ध्वंसासाठी कारणीभूत असल्याचं आंबेडकर म्हणाले. जर या मुद्द्यावर मुस्लिमांकडून मदत मागणे हा गुन्हा असेल तर तो गुन्हा मी शंभरदा करेन असंही आंबेडकर म्हणाले. राज्यात आपले 35 आमदार आले तर आपण विधानसभेत मोहम्मद पैगंबर बिल आणणार असल्याचेही आंबेडकर म्हणाले. 

दंगली थांबवण्यासाठी औरंगजेबाच्या कबरीवर

गेल्या वर्षी जून महिन्यात प्रकाश आंबेडकरांनी खुल्ताबाद या ठिकाणी जाऊन औरंगजेबाच्या कबरीवर चादर चढवली होती. त्यावर बोलताना आंबेडकर म्हणाले होते की, या आधी जो चुकीचा समज तयार करण्यात आला आहे किंवा हिंदू मुस्लिमांमध्ये दंगली घडवण्याचा प्रयत्न के जात आहे तो थांबवण्यासाठी मी हे कृत्य केलं. माझ्या या प्रयत्नांना यश आलं असं मी समजतो. औरंगजेबाच्या नावाने ज्या दंगली होत आहेत त्या आता होणार नाहीत. 

मुस्लीम समाजाला आवाहन

या आधीही प्रकाश आंबेडकरांनी मुस्लिम समाजाला आवाहन केलं होतं. ते म्हणाले होते की, “नरेंद्र मोदी प्रत्येक सभेत संविधान डोक्यावर घेतात, बायबल आहे असे सांगतात. मी मुस्लिम समाजाला आव्हान करतो, मागच्या पाच वर्षात खूप हल्ले झाले आहेत. त्यावेळी, वंचित बहुजन आघाडीच आपल्या पाठीमागे उभी राहिली, बाकी कोणी आले नाहीत. राज्यातील विधानसभा मतदारसंघात 32 जागा अशा आहेत, जिथे शिवसेनेच्या दोन गटांमध्ये थेट लढत होत आहे. तेथे वंचित बहुजन आघाडीचे उमेदवारही मैदानात आहेत. शिवसेनेचे दोन्ही गट तुमच्या बाजूने नाहीत, म्हणून मौलविना माझा प्रश्न आहे आमच्या बाजूने या.”

ही बातमी वाचा: 

अधिक पाहा..



Source link

राहुल गांधी यांचा प्रकाश आंबेडकरांना फोन, म्हणाले….; वंचित आणि काँग्रेसमधील कटुता कमी होणार?

by | Nov 15, 2024 | Current Affairs


Rahul Gandhi : काँग्रेस नेते आणि लोकसभेचे विरोधी पक्ष नेते राहुल गांधी (Rahul Gandhi) यांनी वंचित बहुजन आघाडीचे प्रमुख प्रकाश आंबेडकरांना फोन केल्याची माहिती पुढे आली आहे. यावेळी राहुल गांधी यांनी प्रकाश आंबेडकरांच्या प्रकृतीची विचारणा करत चौकशी केलीय. ऐन निवडणुकीच्या रणधुमाळीत प्रकाश आंबेडकरांवर अँजिओप्लास्टी शस्त्रक्रिया करण्यात आली होती. या शस्त्रक्रियेनंतर प्रकाश आंबेडकर पुन्हा नव्याने निवडणूक प्रचारात सक्रिय झाल्याचे बघायला मिळाले आहे. प्रकाश आंबेडकर (Prakash Ambedkar) आज बुलढाणा जिल्ह्यातील खामगाव येथे सभेसाठी आले असताना आंबेडकरांना राहुल गांधीचा यांचा फोन आला आहे. यावेळी राहुल गांधींनी प्रकाश आंबेडकर यांना चांगल्या प्रकृतीसाठी शुभेच्छा देत स्वतःची काळजी घेण्याचं आवाहन केलं आहे.

लोकसभा निवडणुकीत वंचित महाविकास आघाडी झाल्यामुळे काँग्रेस आणि वंचितमध्ये दुरावा वाढला होता. अकोल्यात लोकसभेला काँग्रेसने आंबेडकरांविरोधात उमेदवार दिला होता. त्यामुळे लोकसभेत आंबेडकर पराभूत होत तिसऱ्या क्रमांकावर फेकले गेले होते. त्यात राहुल गांधींच्या फोननंतर वंचित आणि काँग्रेसमधील कटुता आता काही प्रमाणात कमी होणार का? याकडे राजकीय वर्तुळाचं लक्ष लागले आहे.

सत्ताधारी पक्ष अळ्या पेक्षा अळ्या झाला आहे-प्रकाश आंबेडकर

तुम्ही सभागृहात गेल्याशिवाय तुमच्या समस्या सुटणार नाहीत. तरीही तुम्ही भाजपाला मतदान करत असाल तर तुम्हाला कोण वाचवेल? अनेक वर्ष काँग्रसने सत्ता केली. त्यानंतर भाजप आल मात्र काय बदल झाला? तरी तुम्ही काँग्रेस आणि भाजपाला मतदान करता. साचलेल पाणी गढूळ होतं, त्यामुळे ते पाणी आपण पित नाही. कारण त्यात अळ्या असतात. असाच सत्ताधारी पक्ष अळ्या पेक्षा अळ्या झाला आहे. अशी टीका ही प्रकाश आंबेडकरांना बुलढाणा येथील सभेतून सरकारवर केली आहे.

तर शिक्षण आणि नोकरीतील आरक्षणही घालवतील 

सत्ताधारी आता सरळ पैसे वाटतील. प्रत्येक मताला चार हजार देतील. फक्त 80 हजार मत पाहिजे करा हिशोब. नंतर कमिशन घेऊन ते भरून काढतात. पाच टक्के तुम्हाला दिलं तरी पंधरा टक्के हे सत्ताधारी खातात. शेतमाल घेणारा मारवाडी का असतो? इथल्या बेरोजगारांना अनुदान का देत नाही. म्हणून तुमची प्रगती करायची असेल तर राज्यात बदल आवश्यक आहे. ते म्हणतात तुम्ही कितीही बोंबला. सत्ता आमच्याकडेच येईल. कारण ते सर्व आमचे जातीचे आहेत. त्यांना विकास नकोय. मी ओबीसींना सांगतो. स्थानिक स्वराज्य संस्थेतील आरक्षण गेलं. आता सुप्रीम कोर्टाच्या नावाने विधानसभा झाल्या की शिक्षण आणि नोकरीतील आरक्षण घालवतील, असेही प्रकाश आंबेडकर म्हणाले.

इतर बातम्या :

अधिक पाहा..



Source link

पक्ष सांगेल त्याचा प्रचार करणार, संजय राठोड यांच्यावर काय म्हणाल्या चित्रा वाघ?

by | Nov 13, 2024 | Current Affairs


अकोला : यवतमाळमधील एका मुलीच्या आत्महत्येनंतर संजय राठोड यांच्यावर सर्वाधिक टीका केलेल्या चित्रा वाघ यांनी पक्षाने आदेश दिला तर त्यांच्या प्रचाराला जाण्याचे संकेत दिले आहेत. संजय राठोड यांच्या प्रचाराला जाणार का असा प्रश्न विचारल्यानंतर महायुतीच्या उमेदवारांना जिथे जिथे गरज असेल त्या ठिकाणी प्रचाराला जाणार असल्याचं चित्रा वाघ म्हणाल्या. अकोल्यात त्या माध्यमांशी बोलत होत्या. 

चित्रा वाघ अकोला जिल्ह्यातील मूर्तीजापूर येथे भाजप उमेदवार हरीश पिंपळे यांच्या प्रचारासाठी आल्या होत्या. त्यावेळी संजय राठोड यांच्या प्रचाराला जाणार का? असा प्रश्न त्यांना विचारला. त्यावर त्या म्हणाल्या की, “आम्ही ही निवडणूक सिरीयस नोटवर घेतली आहे. मी राज्यभर प्रचारासाठी फिरत आहे. त्यामुळे पक्ष पाठवेल, जिथे गरज असेल तिथे प्रचाराला जाणार.”

भाजपच्या आमदार चित्रा वाघ यांनी यवतमाळ मुलीच्या आत्महत्या प्रकरणानंतर त्यावेळचे ठाकरेंच्या मंत्रिमंडळातील मंत्री संजय राठोड यांच्या विरोधात मोठी मोहीम उघडली होती. पण शिवसेनेच्या फुटीनंतर संजय राठोड यांनी शिंदेंना साथ दिली आणि महायुतीच्या सरकारमध्ये ते मंत्रीही झाले. त्यामुळे त्यांच्यावर टीका करणाऱ्या चित्रा वाघ यांची अनेकदा या मुद्द्यावर पंचाईत झाली होती.

नेमकं प्रकरण काय? 

बीड जिल्ह्यातील एका 22 वर्षीय तरुणीच्या आत्महत्या प्रकरणी संजय राठोड संशयाच्या भोवऱ्यात सापडले होते. ही तरूणी इंग्लिश स्पीकिंगचा कोर्स करण्यासाठी भाऊ आणि मित्रासोबत पुण्याला राहत होती. सोशल मीडियात विशेषत: टिकटॉक अॅपमुळं ती प्रचंड लोकप्रिय झाली होती. 7 फेब्रुवारी 2021 च्या रात्री तिनं पुण्यातील इमारतीवरून उडी मारून आत्महत्या केली. या प्रकरणी वानवडी पोलिसांनी अपघाती मृत्यूची नोंद केली होती. त्यानंतर काही दिवसांतच या प्रकरणाशी त्यावेळचे मंत्री संजय राठोड यांचं नाव समोर आलं होतं. 

भाजपच्या नेत्या चित्रा वाघ यांनी या प्रकरणात संजय राठोड यांच्यावर सडकून टीका केली होती. तसेच त्यांच्या राजीनाम्याची मागणीही केली होती. 

याचिका मागे घेण्यावरून न्यायालयाने चित्रा वाघ यांना फटकारले

या प्रकरणात चित्रा वाघ यांनी संजय राठोड यांच्या विरोधात जनहित याचिका दाखल केली होती. मात्र संजय राठोड महायुतीच्या मंत्रिमंडळात सामील झाल्यानंतर राजकारण बदललं. काही दिवसांपूर्वी चित्रा वाघ यांनी आपल्या वकिलांमार्फत संजय राठोड यांच्याविरोधातील जनहित याचिका मागे घेण्याची इच्छा व्यक्त केली होती. त्यावर उच्च न्यायालयाने चित्रा वाघ यांच्या वकिलाला खडे बोल सुनावले होते. 

राजकारण्यांनी जनहित याचिकांच्या माध्यमातून राजकारण करत न्यायालयांना त्यात विनाकारण ओढू नये. बदललेल्या राजकीय स्थितीनुसार तुमची भूमिका बदलते आणि राजकारण करण्यासाठी जनहित याचिकांचा माध्यम म्हणून वापर करून न्यायालयांना त्यात ओढले जात आहे. न्यायालयं हा राजकारण करण्याचा मार्ग नाही, अशा शब्दांत मुख्य न्यायमूर्तींच्या खंडपीठाने फटकारले होते.

अधिक पाहा..



Source link