शरद पवारांना अहिल्यानगरात सापडले दुसरे लंके, सर्वसामान्य कार्यकर्त्याला पवारांनी दिली संधी
Maharashtra Assembly Election 2024: महाराष्ट्रातील राजकारणात मोठ्या घडामोडी घडत आहेत. विविध राजकीय पक्षांनी प्रचारास सुरुवात केली आहे.
Source link
निष्ठावंतांच्या पदरी पुन्हा निराशाच? आयारामांच्या भरतीमुळे कसं बदललय नाशकातलं राजकारण? जाणून घ्या
Nashik Poitics: नाशिक जिल्ह्यातही महायुती आणि मविआसह मनसेनं आपले काही उमेदवार जाहीर केलेत. तर मनसे आणि राष्ट्रवादी शरद पवार पक्षानं जिल्ह्यात आयारामांना संधी दिलीये.
Source link
'शिंदे म्हणालेत, वाटेल त्या परिस्थितीत…'; अमित ठाकरेंसाठी माघार घेण्यावरुन सरवणकर स्पष्टच बोलले
Maharashtra Assembly Election Mahim: माहिम मतदारसंघामधील मुख्यमंत्री एकनाथ शिंदेंच्या शिवसेनेचे उमेदवार तसेच विद्यमान आमदार सदा सरवणकर यांनी आपण काहीही झालं तरी विधानसभा निवडणूक लढवणार असल्याचं जाहीर केलं आहे. महायुती आणि महाराष्ट्र नवनिर्माण सेनेमध्ये झालेल्या समझोत्यानुसार महिममधून शिंदेंचा पक्ष माघार घेत अमित ठाकरेंना पाठिंबा दिला जाईल अशी जोरदार चर्चा राजकीय वर्तुळात रंगली होती. त्याच पार्श्वभूमीवर सरवणकर यांच्या शाखेबाहेर शनिवारी रात्री शेकडोंच्या संख्येने कार्यकर्ते जमायला सुरुवात झाली. निवडणुकीतून माघार न घेण्याची कार्यकर्त्यांनी मागणी केली. सदा सरवणकर यांनी माघार घेवून महायुतीचा पाठिंबा मनसेच्या अमित ठाकरेंना देण्याची चर्चा सुरू झाल्याने सरवणकर यांचे कार्यकर्ते आक्रमक झाल्याचं पाहायला मिळालं. याच पार्श्वभूमीवर रात्री उशीरा त्यांनी शाखेच्या बाहेर जमलेल्या कार्यकर्त्यांशी संवाद साधला.
मिडियामध्ये उमेदवारी मागे घेणार अशाप्रकारच्या…
जमलेल्या समर्थकांशी संवाद साधताना सदा सरवणकर यांनी, “आपण सर्वजण मोठ्या संख्येनं आलात त्याबद्दल मनापासून आभार व्यक्त करतोय. आपल्या येण्याचं कारणही मला कळलं आहे. मिडियामध्ये उमेदवारी मागे घेणार अशाप्रकारच्या बातम्या येत आहेत. मात्र या बातमीत किंचितही सत्यता नाही,” असं म्हटलं. यानंतर समर्थकांनी घोषणाबाजी करत आपला पाठिंबा दर्शवला.
आपण सर्वजण मागील अनेक वर्षांपासून…
सरवणकर यांनी पुढे बोलताना मुख्यमंत्री शिंदेंनी आपल्याला आशिर्वाद दिला असल्याचं म्हटलं. “राज्याचे मुख्यमंत्री आणि प्रमुख नेते एकनाथ शिंदेंनी आपल्याला पूर्ण आशिर्वाद दिलेला आहे. महायुतीच्या सर्वच नेत्यांनी आशिर्वाद दिलेला आहे. त्यांची इच्छा एकच आहे, माननिय शिवसेना प्रमुखांच्या विचाराचा उमेदवार हा इथे निवडून आला पाहिजे. आपण सर्वजण मागील अनेक वर्षांपासून शिवसेनाप्रमुखांचे आदेश पुढे घेऊन जात आहोत. एकनाथ शिंदेंही शिवसेनाप्रमुखांच्या विचार पुढे घेऊन जाण्याचं काम करत आहेत. म्हणून आपण निश्चिंत राहायला हरकत नाही,” असं सरवणकर समर्थकांशी संवाद साधताना म्हणाले.
जे जे शक्य आहे ते…
“मुख्यमंत्री शिंदेंवर आपला पूर्ण विश्वास आहे. त्यांनी एबी फॉर्म दिला. त्यांनी फॉर्म कधी भरायचं हे देखील सांगितलं. हे ही सांगितलं की वाटेल त्या परिस्थितीमध्ये दादार, माहीम, प्रभादेवीमधला आपला उमेदवार निवडून आलाच पाहिजे. त्यासाठी जे जे शक्य आहे ते सर्व करु. त्यांनी आशिर्वाद दिल्याने ज्या काही अफवा पसरवल्या जात आहेत त्यावर विश्वास ठेऊ नका. निश्चिंत होऊन घरी जा,” असा सल्ला सरवणकर यांनी समर्थकांना दिला.
तयारीला लागा…
तसेच भाषणाच्या शेवटी सरवणकर यांनी, “आपण सोमवारी सकाळी दहा वाजता उमेदवारी अर्ज भरण्यासाठी निघणार आहोत,” असं सांगत तयारीला लागा असं म्हटलं.
अखेर भाजपाची दुसरी यादी जाहीर, धुळ्यापासून जतपर्यंत 22 उमेदवारांची घोषणा, मुंबईचा सस्पेन्स कायम
उद्धव ठाकरेंच्या तिसऱ्या यादीत फक्त मुंबईला स्थान; कोण आहेत ‘हे’ 3 शिलेदार
यंदाची निवडणूक देवेंद्र फडणवीसांच्या राजकीय करिअरचा टर्निंग पॉईंट ठरणार? सलग सहाव्यांचा विजयी होणार का?
Maharashtra Assembly Elections 2024 : महाराष्ट्र विधानसभा निवडणुकांची रणधुमाळी पहायला मिळत आहे. केंद्रीय निवडणूक आयोगाने (Election Commission Of India Press Conference) महाराष्ट्र विधानसभा निवडणुकांच्या तारखा जाहीर केल्यात. महाराष्ट्रात 20 नोव्हेंबरला मतदान तर 23 नोव्हेंबरला मतमोजणी होणार आहे. उपमुख्यमंत्री देवेंद्र फडणवीस विधानसभा निवडणुकीच्या मैदानात उतरलेत. सलग पाचवेळा विधानसभा निवडणूक जिंकणारे देवेंद्र फडणवीस विजयाचा
षटकार ठोकण्यास सज्ज झालेत. फडणवीसांसाठी हा सामना खूप सोपा असला तरी विधानसभा निवडणुकीची मॅच जिंकण्याचं आव्हान त्यांच्यासमोर असणार आहे. राज्यातील भाजपचे सरसेनापती फडणवीस क्रिकेटर धोनीसारखा विजयी षटकार ठोकून निवडणुकीचा सामना जिंकून देतात का याबाबत प्रचंड उत्सुकता निर्माण झालीय.
देवेंद्र फडणवीस आमदारकीचा षटकार ठोकण्यासाठी नागपूरच्या रणमैदानात उतरलेत. सलग पाचवेळा नागपुरातून निवडून आलेले फडणवीस सहाव्या वेळी मैदान मारण्यासाठी सज्ज झालेत. देवेंद्र फडणवीसांनी शक्तिप्रदर्शन करत उमेदवारी अर्ज दाखल केला. 1999, 2004, 2009, 2014 आणि 2019 असे सलग पाच वेळा देवेंद्र निवडून आले आहेत. आता सहाव्यांदाही सहज विजय मिळवू असा विश्वास त्यांनी व्यक्त केलाय.
उमेदवारी अर्ज भरण्यापूर्वी निघालेल्या रॅलीत देवेंद्र फडणवीस भावी मुख्यमंत्री असतील अशा आशयाच्या घोषणा दिल्या गेल्या. फडणवीसांनी राज्याच्या राजकारणात प्रवेश केल्यानंतर सातत्यानं एक एक पायरी वर चढत थेट मुख्यमंत्रिपदाला गवसणी घातली होती. 2019मध्ये त्यांना मुख्यमंत्रिपदानं हुलकावणी दिली. यावेळी मात्र मुख्यमंत्रीपद पक्कं असल्याचा विश्वास कार्यकर्त्यांना आहे.
नागपूरचा विजय फडणवीसांसाठी अगदी सोपा आहे. सत्तेच्या मॅचमध्ये आमदारकीचा सिक्सर फडणवीस सहज ठोकतील. पण महाराष्ट्राच्या सत्तेची फायनल मॅच त्यांना जिंकायचीय. फडणवीसांचा षटकार धोनीच्या षटकारसारखा असावा अशा कार्यकर्त्यांच्या भावना आहेत. दुसरीकडं त्यांचे नागपुरातील विरोधक प्रफुल्ल गुडधेंनी फडणवीसांना जोरदार टक्कर देण्याचा निर्धार केलाय.
फडणवीसांसाठी 2014चा सामना खूपच लकी ठरला होता. थेट मुख्यमंत्रिपदाचा मुकूट फडणवीसांनी परिधान केला होता. आता बरोब्बर दहा वर्षानंतरची निवडणूक फडणवीसांच्या राजकीय करिअरचा टर्निंग पॉईंट ठरणार का याची उत्सुकता निर्माण झालीय.
पुण्यात कंटेनरमध्ये सापडलं 138 कोटींचं सोनं; नाकाबंदीदरम्यान पोलीस कारवाईत यश
Maharashtra Assembly Election 2024 Pune Police Found 138 Crore Gold: विधानसभा निवडणुकीच्या पार्श्वभूमीवर राज्यातील प्रमुख शहरांमध्ये जागोजागी करण्यात आलेल्या नाकाबंदीदरम्यान पुणे पोलिसांना हे यश मिळालं आहे.
Source link
