कथित भोंदूबाबा कॅप्टन अशोक खरातचा धक्कादायक कारनामा समोर आला आहे. कॅप्टन अशोक खरातच्या संस्थानला डायरेक्ट धरणातून पाणी पुरवठा करण्यात आला. यासाठी 48 किमी पाईपलाईन बांधली. तत्कालीन जलसंपदामंत्र्यांनी याला मंजुरी दिली होती.
Source link
Ashok Kharat Case Update: नाशिकमधील भोंदूबाबा प्रकरणातील आरोपी ‘अशोक खरात’ उर्फ ‘कॅप्टन’ याचे कारनामे आता जिल्ह्याबाहेरही समोर येऊ लागले आहेत. महिलांवरील अत्याचाराच्या आरोपांनंतर त्याच्याविरोधात नवनवे खुलासे होत आहेत. दरम्यान, शिर्डी परिसरातील एका शेतकऱ्याने केलेला गंभीर आरोप सध्या गंभीर रुप घेत आहेत. जमिनीच्या व्यवहारातून फसवणूक आणि दमदाटी केल्याचा दावा समोर आल्याने या प्रकरणाला वेगळेच वळण मिळाले आहे. काट्याधीच असूनही खरातने गरिब शेतकऱ्यांना फसवलं.
मिळालेल्या माहितीनुसार, ‘अशोक खरात’ने सुमारे 4 वर्षांपूर्वी शिर्डी येथे 4 एकर जमीन घेतली होती. ही जमीन कसण्यासाठी स्थानिक शेतकरी ‘बाबासाहेब गोंदकर’ यांच्याकडे दिली गेली होती. गोंदकर यांनी स्वतःच्या खर्चाने आणि मेहनतीने गव्हाचे पीक घेतले होते. पिकाची कापणी जवळ आली असताना घडलेली घटना मात्र धक्कादायक असल्याचे सांगितले जात आहे.
‘बाबासाहेब गोंदकर’ यांच्या मते, कापणीच्या वेळी ‘अशोक खरात’ने काही लोकांना पाठवून त्यांना धमकावले. “मी रात्रंदिवस राबलो, खत-पाण्यावर खर्च केला, पण काढणीच्या वेळी खरातने गुंड पाठवून माझे पीक पळवले,” असे त्यांनी सांगितले. कोणताही मोबदला न देता गव्हाचे संपूर्ण पीक नेण्यात आल्याचा गंभीर आरोप त्यांनी केला आहे.
या घटनेतून ‘अशोक खरात’चा स्थानिक पातळीवरील प्रभावही चर्चेत आला आहे. नाशिकसह अहिल्यानगर भागात त्याचे विविध संबंध असल्याचा संशय व्यक्त केला जात आहे. शिर्डीतील ही जमीन महत्त्वाच्या ठिकाणी असल्याने तिची किंमत मोठी असल्याचेही बोलले जात आहे. त्यामुळे या व्यवहारामागील हेतूंबाबत प्रश्न उपस्थित होत आहेत.
हे ही वाचा: Ashok Kharat Case:’केबल टेस्टरने अल्पवयीन मुलीला…’ भोंदूबाबाचं नवं कांड उघड, नेमकं काय घडलं?
सध्या सुरू असलेल्या गुन्हेगारी तपासासोबतच आता जमिनीचे व्यवहार आणि आर्थिक बाबींचीही चौकशी होण्याची शक्यता आहे. पोलिसांकडून ‘अशोक खरात’च्या मालमत्तांचा तपास करण्यात येऊ शकतो. आर्थिक गुन्हे शाखा या प्रकरणात सहभागी होण्याचीही चर्चा सुरू आहे.
या प्रकरणात आणखी शेतकरी किंवा तक्रारदार समोर येऊ शकतात, अशी शक्यता वर्तवली जात आहे. ‘अशोक खरात’विरोधातील आरोप वाढत असल्याने तपास अधिक व्यापक होण्याची चिन्हे दिसत आहेत.
Ashok Kharat: कॅप्टन अशोक थोरातच्या लैंगिक शोषणाच्या कथा अंगावर शहारे आणणा-या आहेत. सिद्ध पूजेच्या नावाखाली अशोक खरात भाविकांची फसवणूक कशाप्रकारे करायचा? याबद्दल सविस्तर जाणून घेऊया.
Source link
Ashok Kharat Connection With Ajit Pawar Plane Crash: नाशिकमधील भोंदू ज्योतिषी अशोक खरातसंदर्भात नवीन नवीन माहिती समोर येत असतानाच आता या भोंदू बाबाचा राज्याचे उपमुख्यमंत्री अजित पवार यांच्या विमान अपघाताशी काही संबंध आहे का असा प्रश्न उपस्थित केला जात आहे. विशेष म्हणजे केवळ अजित पवारांच्या पक्षाचे आमदार असलेल्या अमोल मिटकरींकडूनच नाही तर शरद पवारांच्या राष्ट्रवादीकडूनही यासंदर्भात प्रश्न उपस्थित करण्यात आला आहे.
अमोल मिटकरींनी प्रसारमाध्यमांशी संवाद साधताना अजित पवारांचा विमान अपघात आणि खरात करत असलेल्या जादूटोण्याचा काही संबंध आहे का? याची चौकशी केली पाहिदे असं म्हटलं आहे. “अघोरी पूजा आणि अजित पवार यांच्या विमान दुर्घटनेचा संबंध नाकारता येत नाही,” असं आमदार अमोल मिटकरी यांनी म्हंटलं आहे. अजित पवारांच्या बंगल्याबाहेर टाकलेल्या उता-याबाबत रूपाली ठोंबरे-पाटील यांनी व्यक्त केलेल्या शंकेला अमोल मिटकरी यांनी दुजोरा दिला आहे. हा संशय गांभीर्यानं घेण्याची गरज असल्याचं मिटकरी म्हणाले. तसंच, “महाराष्ट्रात अंधश्रद्धा विरोधी कायदा लागू असताना असा प्रकार घडल्याबद्दल कारवाई केली पाहिजे,” अशी मागणी मिटकरींनी केली आहे.
तसेच, “काही लोकांना अजित पवार नकोसे झाले होते का? यामागचा मास्टरमाइंड कोण? अशोक खरातचे व्हीएसआर विमान कंपनीच्या व्ही. के. सिंग यांच्याशी संबंध आहेत का? या सर्व गोष्टींचा एसआयटी तपासातून खुलासा झाला पाहिजे,” अशी मागणीही मिटकरी यांनी केली.
शरद पवारांच्या पक्षानेही यासंदर्भातील शंका उपस्थित केली आहे. शरद पवारांच्या पक्षाचे प्रदेश सरचिटणीस प्रवक्ते सुनील माने यांनी आपल्या ट्विटर हॅण्डलवरुन व्हिडीओ पोस्ट करत खरात आणि अजित पवारांच्या विमान अपघाताचं काही कनेक्शन आहे का? अशी शंका उपस्थित केली आहे. “अजितदादा पवार यांच्या मुंबईतील देवगिरी बंगल्याबाहेर आणि बारामतीतील बंगल्याबाहेर जादूटोण्यातील वस्तू सापडल्या होत्या. हे कृत्य भोंदू बाबा कॅप्टन खरात आणि त्याच्याशी संबंधीत व्यक्ती करत होत्या काय? याची चौकशी झाली पाहिजे. महाराष्ट्रात जादूटोणा विरोधी कायदा आहे. त्यानुसारही या प्रकरणात गुन्हा दाखल केला पाहिजे,” असं माने यांनी म्हटलं आहे.
मा. अजितदादा पवार यांच्या मुंबईतील देवगिरी बंगल्याबाहेर आणि बारामतीतील बंगल्याबाहेर जादूटोण्यातील वस्तू सापडल्या होत्या. हे कृत्य भोंदू बाबा कॅप्टन खरात आणि त्याच्याशी संबंधीत व्यक्ती करत होत्या काय? याची चौकशी झाली पाहिजे. महाराष्ट्रात जादूटोणा विरोधी कायदा आहे. त्यानुसारही या… pic.twitter.com/IxGos9ZmQ8
— Sunil Mane- सुनील माने (@sunilbmane) March 19, 2026
गुरुवारी रुपाली ठोंबरेंनी पत्रकार परिषद घेऊन या प्रकरणामध्ये आपल्याच पक्षाच्या महिला नेत्या आणि महाराष्ट्रातील महिला आयोगाच्या अध्यक्षा रुपला चाकणकरांवर निशाणा साधला आहे. “रुपाली चाकणकर महिला आयोगाच्या अध्यक्षपदावर राहिल्यास अशोक खरात प्रकरणाचा तपास व्यवस्थित होणार नाही. तसेच, चाकणकर 100 टक्के पुरावे नष्ट करतील,” अशी शक्यता ठोबरेंनी व्यक्त केली आहे. इतकेच नाही तर ठोंबरेंनी चाकणकर यांना सह-आरोपी करण्याची आणि तात्काळ त्यांचा राजीनामा देण्याची मागणी देखील केली. “महिला आयोगाच्या अध्यक्षांचे असलेले पाठबळ यामुळेच अशोक खरात या भोंदू बाबाची हिम्मत वाढली. चाकणकर यांनीच खरातला अभय दिले,” असं ठोंबरे म्हणाल्या. अजित पवारांच्या देवगिरी आणि बारामती बंगल्याबाहेर सापडलेल्या जादूटोण्याच्या वस्तू आणि उतारा यांचा खरातशी संबंध असू शकतो का याची चौकशी करण्याची मागणी ठोंबरेंनी केली आहे.
“आज अजित पवार असते तर रूपाली चाकणकर यांना तात्काळ पदावरून हटवले असते. त्यांनी चाकणकरांना याआधीच राजीनामा देण्यास सांगितले असते. कारण त्यांनी आजवर अनेकदा कर्तव्यात कसूर केलेली आहे,” असंही ठोंबरे म्हणाल्या.
कॅप्टन अशोक खरात प्रकरणात दुसरी मोठी अटक करण्यात आली आहे. या व्यक्तीने साई बाबांच्या दर्शनसाठी रांगेत थांबलेल्या महिलेला तिचे आक्षेपार्ह फोटो दाखवले होते.
Source link
वनिता सुनिल कांबळे या ‘झी 24 तास’ डिजिटलमध्ये सिनीयर सब एडीटर पदावर कार्यरत आहेत. न्यूज चॅनल तसेच डिजीटल मीडिया क्षेत्राचा 12 वर्षांचा अनुभव आहे. याआधी tv9 मराठी, साम टीव्ही, जय महाराष्ट्र न्यूज चॅनल, नवराष्ट्र येथे काम केलं आहे. महाराष्ट्रातील राजकीय बातम्यांसह देश विदेशातील राजकीय घडामोडींचे बातम्यांच्या माध्यमातून सखोल विश्लेषण करतात. क्राईम, व्यवसाय, राष्ट्रीय आणि जागतिक घडामोडींचे वृत्त लिखाण करतात. यासह पर्यटन, सायन्स, टेक्नॉलॉजी तसेच रिसर्चबेस स्टोरी करण्याची विशेष आवड.
