Maharastra Politics : नगरमध्ये सुजय विखे विरूद्ध रोहित पवार? कोल्हापूरच्या जागेसाठी राष्ट्रवादीने थोपटले दंड!

by Hansraj Agrawal | Jan 9, 2024 | Trending News

Maharastra Lok Sabha Election 2024 : एकीकडे शिवसेना आमदार अपात्रतेच्या प्रकरणावर (Shivsena Ineligible case) निकालावर सर्वांचं लक्ष असताना आता दिल्लीत मोठ्या हलचालींना वेग आलाय. महाविकास आघाडीचं आगामी लोकसभा निवडणुकीसाठीचा (Lok Sabha Election Seat Allocation) जागावाटपाचा फॉर्म्युला ठरला असल्याची माहिती सूत्रांकडून समोर आली आहे. गेल्या काही दिवसांपासून महाराष्ट्रातील महाविकास आघाडीचं सत्ता समिकरण (Maharastra Politics) कसं असेल? यावर चर्चेला उधाण आलं होतं. अनेक अंदाज देखील लावले जात होते. अशातच आता दिल्लीतून महत्त्वाची बातमी समोर आली आहे.

नगरमध्ये सुजय विखे विरूद्ध रोहित पवार?

राष्ट्रवादी लोकसभेच्या 14 जागांवर लढणार असल्याची शक्यता आहे. राष्ट्रवादीने 14 जागेवर दावा केल्याची माहिती समोर आलीये. तर रायगड लोकसभा उद्धव ठाकरेंना सोडणार असल्याचं देखील समजतंय. त्याचबरोबर कोल्हापूर लोकसभेसाठी राष्ट्रवादी आग्रही असताना मावळ जागेवरील हक्क सोडणार का? अशी चर्चा सध्या राजकीय वर्तुळात होताना दिसत आहे. तर रोहित पवार नगर दक्षिणच्या जागेवर लढण्याची शक्यता देखील वर्तविण्यात येत आहे. त्यामुळे आता नगरमध्ये सुजय विखे विरूद्ध रोहित पवार? असा सामना होण्याची शक्यता आहे.

दिल्लीत आज महाविकास आघाडीच्या नेत्यांची महत्त्वाची बैठक पार पडली. काँग्रेस नेते मुकुल वासनिक यांच्या निवासस्थानी काँग्रेस नेते नाना पटोले, अशोक चव्हाण, बाळासाहेब थोरात यांची गुप्त बैठक पार पडली. त्यावेळी महाराष्ट्रातील लोकसभा निवडणुकीच्या जागावाटपाबाबतची चर्चा झाल्याची माहिती मिळालीये.

दरम्यान, लोकसभेच्या 23 जागांसाठी ठाकरे गट आग्रही आहे. राज्यात 48 जागांची चाचपणी केल्यानंतरच आम्ही 23 जागांवर दावा केल्याची माहिती संजय राऊतांनी दिलीय. तिन्ही पक्षांमध्ये जागा वाटपासंदर्भात अडचण नाही. मात्र, एक दोन जागांसंदर्भातला तिढा वरिष्ठ नेते सोडवतील. त्यामुळे जागावाटपासंदर्भात कोणतीही अडचण येणार नसल्याचं राऊतांनी म्हटलंय.

आगामी लोकसभा निवडणुकीच्या दृष्टीने राष्ट्रवादी काँग्रेसचे अध्यक्ष शरद पवार यांनी बीड मतदारसंघावर लक्ष केंद्रीत केले आहे. आगामी दोन महिन्यांत जिल्ह्यामध्ये बूथ कमिट्यांची स्थापना करण्याची सूचना शरद पवार यांनी दिल्या. त्यामुळे आता बीडमध्ये शरद पवार कोणता गेम खेळणार? यावर सर्वांच्या नजरा आहेत.

Source link

Pune Corona: पुण्यात JN.1 व्हेरिएंटने चिंता वाढवली; एकूण 150 रूग्णांची नोंद

by Hansraj Agrawal | Jan 9, 2024 | Trending News

Pune Corona: राज्यात कोरोनाच्या रूग्णांमध्ये वाढ होताना दिसतेय. अशातच कोरोनाचा नवीन व्हेरिएंट JN.1 च्या रूग्णांमध्येही दिवसेंदिवस वाढ होतेय. JN.1 च्या सर्वाधिक रुग्णांची नोंद पुण्यात झाली आहे. राज्यातील एकूण रुग्णसंख्या 250 वर पोहोचल्याची माहिती आहे. मुख्य म्हणजे यातील तब्बल 150 रुग्ण पुण्यातील आहेत. सार्वजनिक आरोग्य विभागाने दिलेल्या माहितीनुसार, पुण्यात गेल्या 24 तासांत JN.1 च्या 59 रुग्णांची नोंद झाली आहे.

राज्यात कोणत्या भागात किती रूग्णांची नोंद?

राज्यात JN.1 या सब व्हेरिएंट पहिला रुग्ण सिंधुदुर्ग जिल्ह्यात आढळून आला होता. यानंतर पुण्यासह ठाण्यात देखील या सब व्हेरिएंटचे रूग्ण सापडले होते. राज्यात JN.1 चे शनिवारी पुण्यात सर्वाधिक 59 रुग्ण आढळले. पुण्यातील एकूण रुग्णसंख्या 150 वर असून, राज्यातील JN.1 च्या एकूण रुग्णांपैकी 60 टक्के पुण्यात आहेत.

पुण्यासोबतच नागपूर 30, मुंबई 22, सोलापूर 9, सांगली 7, ठाणे 7, जळगाव 4, अहमदनगर 3, बीड 3, छत्रपती संभाजीनगर 2, कोल्हापूर 2, नांदेड 2, नाशिक 2, धाराशिव 2, अकोला 1, रत्नागिरी 1, सातारा 1, सिंधुदुर्ग 1 आणि यवतमाळ 1 अशी रुग्णसंख्या आहे.

गेल्या 24 तासांत 61 रूग्णांची नोंद

राज्यात मागील 24 तासांत कोरोनाच्या 61 नवीन रुग्णांची नोंद करण्यात आली आहे. यावेळी 70 रुग्ण रुग्णालयातून बरे होऊन घरी गेलेत. राज्यात रुग्ण बरे होण्याचे प्रमाण 98.17 टक्के असून, मृत्युदर 1.81 टक्के आहे. राज्यात मागील 24 तासांत 2 हजार 728 चाचण्या झाल्याच. राज्यातील पॉझिटिव्हिटी दर 2.23 टक्के आहे.

राज्यातील आरोग्य उपसंचालक डॉ. कैलास बाविस्कर यांनी दिलेल्या माहितीप्रमाणे, गेल्या 24 तासांमध्ये राज्यात एकाही कोरोना रुग्णाच्या मृत्यूची नोंद झालेली नाही.

पुणे महापालिकेतील आरोग्य प्रमुख डॉ. भगवान पवार यांनी दिलेल्या माहितीनुसार, पुण्यातील कोरोना चाचण्यांची संख्या जास्त आहे. याच वेळी जेनेटिक सिक्वेंसिंगणासाठी सर्वाधिक नमुने पुण्यातून पाठवले जातायत. राज्यात JN.1 चे पुण्यात सर्वाधिक रुग्ण आढळत आहेत. JN.1 हा कोरोनाचा सब-व्हेरिएंट फारसा धोकादायक नसून तो सौम्य स्वरूपाचा आहे.

देशातही वाढतायत कोरोनाचे रूग्ण

केंद्रीय स्वाथ मंत्रायलयाने दिलेल्या माहितीनुसार, गेल्या 24 तासांमध्ये देशात कोरोनाचे 605 नव्या रूग्णांची नोंद करण्यात आली आहे. मुख्य म्हणजे 4 रूग्णांचा कोरोनाच्या संसर्गामुळे मृत्यू झाला आहे. मंत्रालयाने दिलेल्या आकडेवारीनुसार, कोविड संसर्गामुळे मृत्यू झाल्यांमध्ये केरळमधील दोन आणि कर्नाटक आणि त्रिपुरातील प्रत्येकी एक रुग्ण आहे. या 4 रूग्णांच्या मृत्यूंमुळे मृतांची संख्या 5,33,396 वर पोहोचलीये.

Source link

सात नद्यांचे उगमस्थान असलेले जगातील एकमेव ठिकाण आपल्या महाराष्ट्रातच, धार्मिक महत्त्व वाचून थक्क व्हाल!

by Hansraj Agrawal | Jan 8, 2024 | Trending News

Shri Panchganga Mandir: महाराष्ट्र हा विविधतेने नटलेले प्रदेश आहे. कोकणातील समुद्र, सह्याद्रीचे निसर्गसौंदर्य पाहायला देश-विदेशातून लोक महाराष्ट्रात येतात. निसर्गसौंदर्याबरोबरच राज्यात तीर्थस्थळही आहेत. हिवाळ्याच्या दिवसांत राज्यात अनेक पर्यटक येतात. माथेरान, लोणावळा, महाबळेश्वर यासारखी थंड हवेचे ठिकाणं आहेत. यातीलच एक महाबळेश्वरला निसर्गाबरोबरच धार्मिक परंपराही लाभली आहे. महाबळेश्वर हिलस्टेशन असले तरी अनेक इथे अनेक ठिकाणे फिरण्यासारखी आहेत. तसंच, येथील पंचगंगा मंदिर जगभरात प्रसिद्ध आहे. एकाच ठिकाणी सात नद्यांचा उगम झालेले जगातील हे पहिलेच ठिकाण असावे.

महाबळेश्वरमध्ये पंचगंगा मंदिर आहे. कोयना, कृष्णा, वेण्णा, सावित्री आणि गायत्री या पाच वेगवेगळ्या नद्यांचा संगम या ठिकाणी होतो म्हणूनच या पंच नद्यांच्या संगमाला पंचगंगा असं नाव दिलं आहे. पंच म्हणजे पाच आणि गंगा म्हणजे नदी. या सर्व नद्या दगडांच्या बाहेर कोरलेल्या गायीच्या मुखातून बाहेरील कुंडात पडतात. या जागेचे वैशिष्ट्य म्हणजे, या पाच नद्यांच्या व्यतिरिक्त सरस्वती आणि भागीरथी या दोन नद्यांचाही संगम होतो. मात्र, एका विशिष्ट वेळी.

पंचगंगा मंदिरात पहिल्या पाच नद्यांचा ओहोळ बाराही महिने वाहत असतो. मात्र, सरस्वती नदीचा ओहोळ 60 वर्षांनी वाहतो. आता थेट 34 वर्षांनी सरस्वती नदीचे दर्शन होणार आहे. तर, भागीरथी नदीचा ओहोळ प्रत्येक 12 वर्षांनी दर्शन देतो. आता 2016 मध्ये श्रावण महिन्यात नदीचे दर्शन होणार आहे. हे चमत्कारित मंदिर पाहण्यासाठी आणि नद्यांचे दर्शन घेण्यासाठी दुरवरुन लोक येतात.

पंचगंगा मंदिराला ऐतिहासिक वारला लाभला आहे. पंचगंगा मंदिर साधारण 600 वर्षांपूर्वी बांधले असल्याची नोंद समोर येते. यामंदिरातून कृष्णा, कोयना, सावित्री, गायत्री व वेण्णा या नद्यांचा उगम या मंदिरातून झाला असल्याचे पुराणात आढळते. तर, धार्मिक मान्यतेनुसार, दर बारा वर्षांनी उत्तरेकडून भागीरथी कृष्णेस भेटायला म्हणून येते. तर, साठ वर्षांनी सरस्वती नदी गायत्रीस भेटायला येते. या पाच नद्यांच्या प्रवाहाबरोबर या नद्यांही काही काळासाठी प्रवाहित होतात. या नद्यांचे पाणी गोमुखातून एका कुंडात सोडले जाते. त्यास ब्रह्मकुंड असंही म्हणतात. तर, त्याच्या शेजारी विष्णुकुंडदेखील आहे. या विष्णुकुंडात सात बहिणी गुप्त होऊन श्रीमहाबळेश्वर मंदिरात एकत्र येतात, अशी आख्यायिका सांगितली जाते.

(Disclaimer: येथे दिलेली माहिती सामान्य माहितीवर आधारित आहे. ZEE 24 TAAS त्याची पुष्टी करत नाही.)

Source link

Maharastra Rain : शेतकऱ्यांचं टेन्शन वाढलं! पुण्यासह 'या' आठ जिल्ह्यात अवकाळी पावसाची शक्यता

by Hansraj Agrawal | Jan 7, 2024 | Trending News

Maharastra Weather Update : हिवाळ्यात पावसाने अचानक हजेरी लावल्याने आता शेतकरी हैराण झाल्याचं पहायला मिळतंय. येत्या 3 दिवसांत राज्यातील काही भागांमध्ये ढगाळ वातावरण आणि मेघगर्जनेसह तुरळक पाऊस (Maharastra Rain) पडू शकतो, असा अंदाज हवामान विभागानं (IMD) वर्तवला आहे. बुलढाणा, अकोला, अमरावती, नागपूरात पावसाचा इशारा देण्यात आलाय. खान्देशातील काही भाग आणि नाशिक, अहमदनगर, छत्रपती संभाजीनगर, पुणे, सातारा, सांगली, कोल्हापूर, सोलापूरमध्ये मंगळवारी तुरळक पावसाची शक्यता हवामान विभागानं वर्तवली आहे.

विदर्भ वगळता राज्यात पुढील तीन दिवस मेघगर्जना, विजांच्या कडकडाटासह हलक्या ते मध्यम पावसाचा अंदाज आहे. तर तीन दिवसानंतर ढगाळ वातावरण कमी होऊन पुन्हा थंडी पडण्याची शक्यताही हवामान विभागाने व्यक्त केलीये. अरबी समुद्रावर हवेची चक्रीय स्थिती निर्माण झाल्याने अवकाळी संकट कोसळल्याचं समोर आलंय. थंड वारे आणि बाष्पयुक्त वाऱ्याच्या संयोगामुळे काही भागात मुसळधार पाऊस पडू शकतो.

राज्याच्या काही भागात पहाटे धुके पडण्याचीही शक्यता आहे. जळगावात सर्वात कमी 12.4 अंश सेल्सिअस इतक्या कमी तापमानाची नोंद झाली होती. सोमवारी धुळे आणि नंदूरबारमध्ये यलो अलर्ट देण्यात आलाय. तर धुळे, जळगाव, नाशिक, नगर, छत्रपती संभाजीनगर या जिल्ह्यांना मंगळवारी यलो अलर्ट मिळाला आहे. त्यामुळे आता शेतकरी संकटात सापडल्याचं पहायला मिळतंय.

दरम्यान, महाराष्ट्रमध्ये पश्चिमी वेस्टर्न डिस्टर्बन्समुळे वायव्य दिशेकडून येणारे वारे व आग्नेय दिशेकडून येणारे आर्द्रता युक्त वारे यांच्या परस्पर क्रियेमुळे मध्य भारतात तसेच महाराष्ट्रात ढगाळ वातावरण व अति हलक्या स्वरूपाचा पाऊस पडण्याची शक्यता आहे. जळगाव जिल्ह्यात काही भागात झालेल्या अवकाळी पाऊस झाल्याने रब्बी पिकाला मोठा फटका बसलाय. तर पालघर जिल्ह्यात येत्या दोन दिवसात पावसाची शक्यता वर्तविण्यात आली आहे. अवकाळी पावसामुळे कांदा सारख्या पिकांना मोठा फटका बसणार आहे. तर दुसरीकडे रोगराई पसरण्याचा ही धोका या अवकाळी पावसामुळे होऊ शकतो.

Source link

आता मुंबईत जमीन विकत घेऊन बांधा घर; म्हाडा घेऊ शकते मोठा निर्णय, नियम- अटी जाणून घ्या

by Hansraj Agrawal | Jan 7, 2024 | Trending News

Mhada Plots News: महाराष्ट्र गृहनिर्माण क्षेत्र विकास प्राधिकरणच्या (म्हाडा) मुंबई बोर्डाने प्लॉटचा लिलाव करण्याची योजना आखली आहे. म्हाडाला जो सर्वाधीक ऑफर देईल त्याला ती जमीन देण्यात येईल. सर्व विभागाच्या अधिकाऱ्याने त्यांच्या क्षेत्रात उपलब्ध असलेल्या प्लॉटची माहिती देण्याच्या सूचना देण्यात आल्या आहेत. प्लॉटची माहिती मिळाल्यानंतर त्या क्षेत्रानुसार त्याची किंमत ठरवली जाईल. किंमत ठरवल्यानंतर त्याचा लिलावासाठी जाहिरात काढण्यात येणार आहे. हे प्लॉट मुंबईतील वेगवेगळ्या भागात असणार आहेत, अशी माहिती म्हाडाने दिली.

मुंबईत म्हाडाच्या अनेक प्लॉटवर शाळा, कॉलेज, रुग्णालय, खेळाची मैदाने आणि मनोरंजन कार्यांसाठी आरक्षित करण्यात आले आहेत. मात्र, हे प्लॉट गेल्या कित्येक वर्षांपासून विनावापर पडून आहेत. या जामिनींवर कोणतेही निर्माण कार्य करण्यात आलेले नाहीये. त्यामुळं या खाली जमीनींवर अतिक्रमण करण्यात येते. त्यामुळं हे अतिक्रमण हटवण्यासाठी व अन्य समस्यांचा सामना म्हाडाला करावा लागतो. त्यामुळं या समस्यांपासून सुटका करण्यासाठी म्हाडाने काही अटी व शर्तीसह आपले आरक्षित प्लॉट विकण्याची योजना आखली आहे.

म्हाडाच्या एका वरिष्ठ अधिकाऱ्याने दिलेल्या माहितीनुसार, प्लॉटच्या विक्रीनंतरही तिथे आरक्षण जारी असेल. ग्राहकांनी प्लॉट घेतल्यानंतर आरक्षणाअंतर्गंतच त्या जमीनीचा वापर करावा लागेल. प्लॉटच्या विक्रीनंतर मुंबई बोर्डाच्या आर्थिक स्थिती सुधारणाही होऊ शकते. मागील वर्षी म्हाडाच्या मुंबई बोर्डाने 4 हजार 082 घरांची लॉटरी काढली होती. या वर्षी जवळपास 2 हजार घरांसाठी लॉटरी जारी करण्याचा प्रयत्न असून त्यावरच काम सुरू आहे.

600 घरांसाठी म्हाडा लॉटरी काढणार

मुंबईत हक्क्याच्या घराचं स्वप्न पाहणाऱ्या नागरिकांसाठी मुंबई मंडळ लवकरच पुन्हा एकदा लॉटरी काढणार आहे. मुंबई मंडळ 600 घरांसाठी लॉटरी काढण्याची घोषणा करण्याती शक्यता आहे. मागील वर्षी ऑगस्ट महिन्यात काढण्यात येणाऱ्या लॉटरीमधून शिल्लक राहिलेल्या 600 घरे नव्या लॉटरीमध्ये सहभागी करणार आहेत. मुंबई बोर्डाने या योजनेसाठी परीक्षणदेखील करण्यात सुरुवात केली आहे. एप्रिलमध्ये लाँच होणाऱ्या या नव्या लॉटरीमध्ये अन्य काही घरांना सामील केले जाता येईल की नाही याचे परीक्षण करण्यात येणार आहे.

दरम्यान, ऑगस्ट महिन्यात म्हाडा मुंबई मंडळाने 4 हजार 82 घरांसाठी लॉटरी काढली आहे. यासाठी 1 लाख 22 हजार अर्जदारांनी घरासाठी अर्ज केले होते. पहाडी गोरेगाव पंतप्रधान आवास योजनेअंतर्गंत 22 हजार 472 अर्ज प्राप्त झाले होते. तसंच, उत्पन्न गटानुसार, अत्यल्प उत्पन्न गटातील 843 घरांसाठी 28,862 अर्ज प्राप्त झाले आहेत.

Source link

Maharashtra Rain : राज्याला बसणार अवकाळी पावसाचा तडाखा, पुण्यासह 'या' भागात मुसळधार पावसाची शक्यता!

by Hansraj Agrawal | Jan 6, 2024 | Trending News

Maharashtra Weather Update : ऐन हिवाळ्यात अवकाळी पावसाने हजेरी लावल्याने आता अनेकांची तारंबळ उडाल्याचं पहायला मिळतंय. गुरूवारी अचानक राज्यात पावसाने हजेरी लावल्याने शेतकऱ्यांवर मोठं संकट ओढावलं आहे. राज्यातील अनेक भागांत पावसाची शक्यता हवामान खात्याने वर्तवली असल्याने शेतकऱ्यांच्या हातातोंडाशी आलेला घास आता हिसकावला जाणार तर नाही ना? अशी चिंता लागून राहिली आहे. अशातच आता राज्यातील काही भागात अवकाळी पावसाची शक्यता वर्तविण्यात आली आहे.

बुलढाणा जिल्ह्यात मागील दोन दिवसांपासून ढगाळ वातावरण आहे. त्याचबरोबर मुंबईत देखील पुढील 5 दिवस ढगाळ वातावरण राहण्याची शक्यता आहे. अहमदनगरमध्ये शुक्रवारी पावसाने अचानक हजेरी लावल्याने लोकांना स्वेटर काढून छत्र्या बाहेर काढाव्या लागल्या. जळगाव जिल्ह्यात काही भागात झालेल्या अवकाळी पाऊस झाल्याने रब्बी पिकाला मोठा फटका बसलाय. तर पालघर जिल्ह्यात येत्या दोन दिवसात पावसाची शक्यता वर्तविण्यात आली आहे. त्याचबरोबर राज्यात पुढील पाच दिवस वातावरण अंशत ढगाळ राहण्याची शक्यता आहे.

‘या’ जिल्ह्यात मुसळधार पावसाची शक्यता

पुणे, कोल्हापूर, जळगाव, नाशिक, अहमदनगर, छत्रपती संभाजीनगर या जिल्ह्यांमध्ये शुक्रवारी, शनिवारी मेघगर्जनेसह पावसाचा इशारा देण्यात आलाय. यासोबतच सातारा, सांगली, सोलापूर, बीड, अकोला, अमरावती, भंडारा, बुलडाणा, गोंदिया, नागपूर या जिल्ह्यांमध्ये देखील तुरळक ठिकाणी पावसाची शक्यता आहे.

दरम्यान, पुण्याच्या चाकण परिसराला आज रात्रीच्या सुमारास अचानक अवकाळी पावसाने झोपलं असून अचानक पडलेल्या या अवकाळी पावसाने वातावरणात गारवा निर्माण झाला असला, तरी या पावसामुळे कांदा सारख्या पिकांना मोठा फटका बसणार आहे. तर दुसरीकडे रोगराई पसरण्याचा ही धोका या अवकाळी पावसामुळे होऊ शकतो. अचानक आलेल्या पावसामुळे नागरिकांची ही तारांबळ उडाली. नगरच्या नेवासे तालुक्यातील कुकाणे, भेंडे परिसरात अवकाळी पावसाने हजेरी लावली. या पावसामुळे पावसाने उभी कांदा, गहू, हरभरा पिकांचे नुकसान होऊन उत्पादनात घट होण्याची शक्यता आहे.

Source link

« Older Entries

Next Entries »

Times Top News

Times Top News

Recent Posts

Recent Comments