निलेश चव्हाणची नाकाबंदी, वैष्णवीच्या आई-वडिलांना धमकी दिल्याप्रकरणी गुन्हा दाखल

by Hansraj Agrawal | May 24, 2025 | Trending News

चंद्रकांत फुंदेसह, कैलास पुरी (प्रतिनिधी) पुणे : वैष्णवीच्या आई-वडिलांना धमकी दिल्याप्रकरणी विकृत निलेश चव्हाणवर गुन्हा दाखल करण्यात आला आहे. मात्र, निलेश चव्हाण अजूनही पोलिसांच्या हाती लागलेला नाही. पोलिसांनी निलेशच्या घराची झाडाझडती घेतली असून त्याचं लॅपटॉप देखील जप्त केलं आहे.

निलेश चव्हाणवर गुन्हा दाखल करून तसंच त्याला अटक करण्याचे आदेश देऊन जवळपास 12 तासापेक्षा जास्त कालावधी उलटला. मात्र, अजूनही विकृत निलेश चव्हाण हा पोलिसांच्या हाती लागत नाहीये. हगवणे कुटुंबाच्या जवळचा, वैष्णवीच्या आई-वडिलांना धमकावणारा निलेश चव्हाण आहे तरी कुठे असा प्रश्न उपस्थित केला जातोय. निलेश चव्हाण पोलिसांच्या हाती लागला नसल्यामुळे पोलिसांनी त्याच्या कुटुंबातील सदस्यांना ताब्यात घेतलं आहे. निलेश चव्हाणचा भाऊ आणि वडिलांची वारजे पोलिसांकडून कसून चौकशी सुरू आहे.

निलेशचा मुसक्या कधी आवळणार?

निलेश चव्हाणच्या घराची पोलिसांकडून झाडाझडती करण्यात आली आहे. निलेश चव्हाणचा लॅपटॉप पोलिसांकडून जप्त करण्यात आला आहे. सध्या पोलिसांचं दोन पथक निलेश चव्हाणच्या मागावर असून निलेश चव्हाणचा भाऊ, वडिलांची पोलिसांकडून कसून चौकशी करण्यात आली. चौकशीसाठी सहकार्य न केल्यास कडक कारवाईचा इशारा देण्यात आला आहे. वैष्णवीनं आत्महत्या केल्यानंतर तिचं बाळ निलेश चव्हाणकडेच होतं. दरम्यान ज्यावेळी कस्पटे कुटुंब ते बाळ घेण्यासाठी गेलं असता, निलेश चव्हाणनं त्यांच्यावर बंदूक रोखली होती. याच संदर्भात निलेश चव्हाणवर गुन्हा दाखल करण्यात आला होता. तसंच त्याच्या बंदुकीचा परवाना देखील रद्द करण्यात आल्याची माहिती आहे. केवळ वैष्णवीच्या आई-वडिलांना धमकावणं एवढंच नव्हे तर निलेशनं विकृतपणाचा कळस गाठल्याचं देखील शुक्रवारी समोर आलं होतं. निलेश हा त्यांच्या पत्नीचा छळ करत होता. तसंच तिचे आक्षेपार्ह व्हिडिओ काढत असल्याचं देखील समोर आलं.

हेही वाचा : हगवणे कुटुंबात करिश्माची दादागिरी; नेमकं यामागचं कारण काय?

निलेश चव्हाणचे काळे कारनामे समोर :

3 जून 2018 रोजी निलेश चव्हाणचं लग्न झालं होतं. निलेश चव्हाण स्वत:च्या पत्नीचे आक्षेपार्ह व्हिडिओ काढत होता. जानेवारी 2019मध्ये निलेशच्या पत्नीला बेडरुमच्या सिलिंग फॅनमध्ये छुपा कॅमेरा दिसला. त्यानंतर फेब्रुवारी 2019 मध्ये एसीमध्ये छुपा कॅमेरा दिसला. पत्तीनं जाब विचारल्यानंतर निलेशकडून उडवाउडवीची उत्तरं देण्यात आली. निलेशच्या पत्नीला निलेशच्या लॅपटॉपमध्ये अनेक आक्षेपार्ह व्हिडिओ सापडले. स्पाय कॅमे-यानं निलेशनं चित्रिकरण केल्याचं उघड झालं आहे. लॅपटॉपमध्ये आणखी काही मुलींचे आक्षेपार्ह व्हिडिओ देखील सापडल्याची माहिती आहे. निलेशच्या पत्नीने त्याला जाब विचारल्यानंतर तिला चाकू दाखवून धमकावलं आणि तिचा गळा दाबला. निलेशच्या पत्नीनं निलेशच्या आई-वडिलांकडे तक्रार केली. तक्रार का केली म्हणून?, निलेशकडून पत्नीचा अमानुष पद्धतीनं छळ सुरूच होता. पत्नीच्या तक्रारीवरून निलेश आणि त्याच्या नातेवाईकांविरोधात 2022 रोजी गुन्हा दाखल झाला होता. पुणे सत्र न्यायालयाने त्याचा अटकपूर्व जामीन फेटाळला होता. तरीसुद्धा वारजे पोलिसांनी त्याला अटक केली नव्हती. मात्र, त्यानंतर मुंबई उच्च न्यायालयाने त्याला अटकपूर्व जामीन दिला.

निलेश चव्हाणांच्या काळ्या कारनाम्यांची मालिका समोर आलीच आहे. तसंच त्यांच्यावर गुन्हा देखील दाखल करण्यात आलाय. मात्र, पोलिसांना अद्यापही निलेशला अटक करण्यात यश का आलं नाही? निलेश नेमका कुठल्या बिळात जाऊन लपलाय. याचा शोध पोलिसांकडून अद्यापही सुरूच आहे.

Source link

'राजकारणात माझे दोन गॉडफादर…', बाळासाहेब आणि शरद पवारांचं नाव घेत छगन भुजबळांनी स्पष्टचं सांगितलं

by Hansraj Agrawal | May 24, 2025 | Trending News

Chhagan Bhujbal: राष्ट्रवादी काँग्रेसचे जेष्ठ नेते छगन भुजबळ यांचे पुन्हा एकदा मंत्रिमंडळात कमबॅक झाले आहे. छगन भुजबळ यांनी मंगळवारी मंत्रिपदाची शपथ घेतली. छनंजय मुंडे यांनी राजीनामा दिल्यानंतर रिक्त झालेल्या जागेवर छगन भुजबळ यांना स्थान देण्यात आले आहे. छगन भुजबळ यांच्याकडे अन्न व नागरी पुरवठा विभागाचा पदभार सोपवण्यात आला आहे. छगन भुजबळ यांना सुरुवातीला मंत्रिमंडळातून डावलण्यात आल्यानंतर त्यांनी नाराजी स्पष्ट केली होती. मात्र पुन्हा एकदा मंत्रिमंडळात स्थान मिळाल्यानंतर छगन भुजबळांनी आपली प्रतिक्रिया व्यक्त केली आहे. झी २४ तासच्या टु द पॉइंट या मुलाखतीत त्यांनी सविस्तर प्रतिक्रिया दिली आहे.

मंत्रिमंडळ होऊन ८ महिन्यानंतर स्थान मिळालं याप्रश्नावरही त्यांनी उत्तर दिलं आहे. थांबावं लागतं, वाट पाहावी लागते. आपल्याच मनाप्रमाणे गोष्टी होतात असं नाही. थांबाव लागतंच. राजकारणत चालतंच. राजकारणातील सत्तापदे ही अळवावरची पाणी आहेत. ती कधी निसटून जातील ते काही सांगता येत नाही. त्यामुळं तयारीतच राहावं लागतं. आयुष्याचं सुद्धा असंच आहे तर तर या पदाचं काय घेऊन बसलात, असं उत्तर त्यांनी दिलं आहे.

राजकारणात माझे दोन गॉडफादर…

मी राजकारणात आलो तेव्हा काही माझे कोणी गॉडफादर नव्हते. माझे पहिले गॉडफादर बाळासाहेब ठाकरे आणि दुसरे गॉडफादर शरद पवार. मी जेव्हा चांगलं काम केले. जीव तोडून काम केले तेव्हा बाळासाहेबांनी मला जवळ केले. कधीही चांगलं द्यायचे असेल तेव्हा बाळासाहेबांनी माझा विचार पहिले केला. मी पहिला आमदार झालो शिवसेनेतून. शिवसेनेचे सगळे उमेदवार पडले. एकटा छगन भुजबळ निवडून आला. नंतर महापालिकेते निवडणूक आली तेव्हा बाळासाहेबांनी भुजबळ तुम्ही उभे राहियचे सांगितले. मी उभा राहिलो आणि शिवसेनेने मुसंडी मारली आणि मी महापौर झालो. आमदार महापौर छगन भुजबळ पहिलाच, असं त्यांनी म्हटलं आहे.

शिवसेना वाढवण्यासाठी गावागावातून काम केलं. मला कधी डावललं नाही. तीच गोष्ट काँग्रेसमध्ये आल्यानंतरही. 18 लोकांना घेऊन काँग्रेसमध्ये आलो तेव्हा कॅबिनेट मंत्री मी आणि दोन तीन लोकांना मंत्रीपदाची शपथ दिली. काँग्रेसने 10 दिवसांत मंत्रीपदाची शपथ दिली. काहीतरी नाव असेल काहीतरी इतिहास असेल ना पाठीमागे म्हणूनच महसूल मंत्रीपदाची शपथ दिली, असंही त्यांनी म्हटलं आहे.

1985 ला आमदार होतो तेव्हाही मी वन मॅन आर्मी होतो. काँग्रेसमध्ये विरोधीपक्ष नेता असताना जीवघेणा हल्ला झाला. खोट्या केसेसमध्ये अडकवले पण त्यातूनही मी बाहेर पडलो. त्यानंतर ऐनवेळेला निवणडुकीला सात आठ महिने असताना पवार साहेबांना काढलं आणि दोन काँग्रेस झाल्या. तेव्हा मी पवार साहेबांसोबत गेलो. तेव्हा तुम्हाला कल्पना असेलच सगळ्यांनी मला पवारसाहेबांसोबत जाऊ नका, असं सांगितलं. मी तेव्हा त्यांना सांगितलं मी पवारसाहेबांना नाही सोडणार आणि मी पवारसाहेबांसोबत राहिलो, असंही त्यांनी म्हटलं आहे.

Source link

Vaishnavi Death Case: शशांकने पाईपने वैष्णवीवर…; पोलीस तपासात आणखी एक धक्कादायक खुलासा, FIR मध्ये एक कलम वाढलं

by Hansraj Agrawal | May 23, 2025 | Trending News

Vaishnavi Death Case: वैष्णवी हगवणे मृत्यू प्रकरणी पोलिसांनी अखेर सासरा राजेंद्र हगवणेला (Rajendra Hagawane) अटक केली आहे. राजेंद्र हगवणेसह फरार असणारा दीर सुशील हगवणे यालाही बेड्या ठोकण्यात आल्या आहेत. दोघांना शिवाजीनगर कोर्टात हजर करण्यात आलं असता, 28 मेपर्यंत पोलीस कोठडीही सुनावण्यात आली आहे. तसंच रिमांड कॉपीमध्ये वैष्णवीची हत्या झाल्याचा संशय व्यक्त करण्यात आला आहे. दुसरीकडे पोलीस तपासात काही धक्कादायक गोष्टी उघड होत आहेत. वैष्णवीला शशांकने केली पाईपने मारहाण केल्याचं समोर आलं आहे.

वैष्णवी मृत्यू प्रकरणात 12 जणांच्या साक्ष आतापर्यंत नोंदवल्या आहेत. त्यातच वैष्णवीला शशांकने पाईपने मारहाण केल्याचा धक्कादायक खुलासा झाला आहे. पोलिसांनी हा पाईप जप्त केला आहे. यानंतर पोलिसांकडून आणखी एका कलम वाढवण्यात आलं आहे. पोलिसांनी शशांकवर IPC 118 (2) कलम लावलं आहे.

थार गाडी जप्त

वैष्णवी हगवणे प्रकरणातील आरोपी राजेंद्र हगवणे आणि त्याचा मुलगा सुशील हगवणे यांनी वापरलेली थार गाडी पिंपरी चिंचवड पोलिसांनी जप्त केली आहे. वैष्णवीच्या मृत्यूनंतर दोघेही फरार झाले होते. यादरम्यान MH 12 WH 0404 या थार गाडीमधून त्यांनी वेगवेगळ्या ठिकाणी प्रवास केली होती. आता याच प्रवासादरम्यान वापरलेली इंडेव्हर गाडी आणि बलेनो ही गाडी पोलीस केव्हा जप्त करणार हे पाहणं महत्त्वाचं ठरणार आहे.

Vaishnavi Hagawane Death Case: वैष्णवी हगवणेचा पोस्टमॉर्टम रिपोर्ट अखेर आला समोर; धक्कादायक माहिती उघड

वैष्णवीच्या मृत्यूनंतर दुसऱ्या दिवशी मटण पार्टी

16 मे रोजी वैष्णवीचा मृत्यू झाला. मात्र राजेंद्र हगवणे दुसऱ्या दिवशी वडगाव मावळमध्ये हॉटेल तांबडा पांढरा याठिकाणी मटणावर ताव मारत होता. 17 मे रोजी हगवणे मित्रांबरोबर वडगाव मावळमध्ये मटणावर ताव मारताना दिसला. हॉटेल तांबडा पांढराचा मालक मोहन भेगडे आणि राजेंद्र हगवणे हे दोघे तालमीतील मित्र आहेत. त्यामुळे हगवणे हॉटेलमध्ये जेवायला आला होता.

परंतु 17 मे रोजी ज्या ठिकाणी हगवणे जेवायला बसला होता त्या रूमला आता बंद ठेवण्यात आलं आहे. ही रूम का बंद करण्यात आली आहे याचं उत्तर या हॉटेल मधील एकाही स्टाफकडे नाही. याशिवाय हगवणे याठिकाणी आला त्याविषयी माहिती देण्यासाठी देखील बंदी घालण्यात आल्याचं एका कर्मचाऱ्याने सांगितलं.

हॉटेल मालक मोहन भेगडे यांच्याशी झी 24 तासच्या प्रतिनिधीकडून फोनवरून संपर्क करण्याचा प्रयत्न केला असता त्यांनी फोन उचलला नाही. त्यामुळे आता या हॉटेल मालकाने देखील त्यांना या प्रकरणी मदत केली का असा सवाल उपस्थित होत आहे.

Source link