मालेगाव बॉम्बस्फोटातील सर्व आरोपींची निर्दोष मुक्तता, NIA न्यायालयाचा मोठा निर्णय

by Hansraj Agrawal | Jul 31, 2025 | Trending News

Malegaon Blast Case Verdict Updates: नाशिकच्या मालेगावमध्ये झालेल्या बॉम्बस्फोट खटल्याप्रकरणी आज न्यायालयात निकाल जाहीर करण्यात आला. तब्बल 17 वर्षांनंतर मालेगाव बॉम्बस्फोटाचा निकाल लागला आहे. कोर्टाने सर्व आरोपींची निर्दोष मुक्तता केली आहे.

बॉम्बस्फोटातील प्रमुख आरोपी साध्वी प्रज्ञा सिंह, कर्नल पुरोहित, सेवानिवृत्त मेजर रमेश उपाध्याय, अजय राहिरकर , सुधाकर द्विवेदी , सुधाकर चतुर्वेदी, समीर कुलकर्णी या सातही आरोपींनी निर्दोष मुक्तता केली आहे. या प्रकरणात लादण्यात आलेले UAPA कलमदेखील सिद्ध होऊ शकले नाही, असा महत्त्वाचे निरीक्षण न्यायालयाने नोंदवले आहे. त्याचबरोबर, राहिरकर, प्रसाद पुरोहित, उपाध्याय यांच्या संस्थेला मिळालेला निधी स्फोटाचा कट रचण्यासाठी वापरला गेला, हेदेखील सिद्ध होऊ शकले नाही, असं कोर्टाने म्हटलं आहे.

बॉम्बस्फोटात जे जखमी झालेत किंवा मृत्यू झालेत ते बॉम्ब स्फोटामुळेच झाले आहेत हे सरकारी पक्ष सिद्ध करु शकला आहे, असं निरीक्षण न्यायालयाने नोंदवले आहे. मात्र स्फोटाच्या ठिकाणी सापडलेल्या दुचाकीमध्ये आरडीएक्स लावण्यात आले होते हे सरकारी वकिलांना सिद्ध करता आले नाही. मा्त्र बाईक प्रज्ञासिंह ठाकूरची होती, याचा कोणाताही पुरावा सापडला नाही, असं कोर्टाने म्हटलं आहे.

निर्दोष मुक्तता होताच आरोपींनी अश्रू अनावर

न्यायालयाने सर्व सातही आरोपींना निर्दोष मुक्तता करण्यात आल्यानंतर आरोपींनी न्यायालयाचे आभार मानले आहे. समीर कुलकर्णी यांनी आमचा पुनर्जन्म झाला असं म्हटलं आहे. तसंच, 17 वर्ष आम्ही पिडीत होतो, असंही त्यांनी म्हटलं आहे.

निर्दोष मुक्तता झाल्यानंतर साध्वी प्रज्ञा सिंह काय म्हणाल्या?

मला गेल्या 17 वर्षात खूप अपमान सहन करावा लागला, स्वतःच्या देशात आम्हाला आतंकवादी बनवण्यात आले. मी संन्यासी आहे म्हणून कदाचित मी जिवंत आहे, मी दररोज मरत होते. आज मला आनंद झाला, कोण तरी आहे जो माझा आवाज ऐकत आहे. हिंदुत्व आणि भगव्याचे आज विजय झाला, असं साध्वी प्रज्ञ्रा सिंह यांनी म्हटलं आहे.

Source link

अजितदादांचं स्नेहभोजन, शिंदेची सेना गैरहजर, राष्ट्रवादी आणि शिवसेनेत धुसपूस?

by Hansraj Agrawal | Jul 30, 2025 | Trending News

उपमुख्यमंत्री अजित पवारांच्या वाढदिवसाच्या निमित्ताने आयोजित स्नेहभोजनाला शिवसेनेच्या मंत्र्यांनी दांडी मारलीय. केवळ एकनाथ शिंदेच या कार्यक्रमाला उपस्थित होते.

Source link

Video Call वर शिक्षिकेचे अश्लील चाळे; दहावीच्या विद्यार्थ्यांना कॉल करुन…; नवी मुंबई हादरली

by Hansraj Agrawal | Jul 30, 2025 | Trending News

Navi Mumbai School Crime News: नवी मुंबईमध्ये शिक्षक आणि विद्यार्थ्यांच्या नात्याला काळीमा फासणारा एक अत्यंत घृणास्पद आणि संतापजनक प्रकार समोर आला आहे. येथील एक शिक्षिका विद्यार्थ्यांना अश्लील व्हिडीओ कॉल करुन उत्तेजित करण्याचा प्रयत्न करत असल्याचा हादरवून टाकणारा प्रकार उघडकीस आला आहे.

गुन्हा दाखल अन् अटक

व्हिडीओ कॉलवरून अश्लील चाळे दाखवत एक शिक्षिका विद्यार्थ्यांना उत्तेजित करत असल्याचा प्रकार समोर आल्याने कोपरखैरणेमध्ये एकच खळबळ उडाली आहे. याप्रकरणी कोपरखैरणे पोलिसांनी शिक्षिकेवर गुन्हा दाखल केला. या शिक्षिकेला पोलिसांनी सोमवारी अटक केली आहे. एका विद्यार्थ्यासोबतच तिचा व्हिडीओ व्हायरल झाल्याने हा प्रकार उघडकीस आला आहे.

काय करायची शिक्षिका?

कोपरखैरणेतील एका शाळेतील शिक्षिकेचे आक्षेपार्ह कृत्य समोर आले आहे. दहावीच्या विद्यार्थ्यांना शिकवणारी ही 35 वर्षीय शिक्षिका तिच्याच वर्गातील काही अल्पवयीन विद्यार्थ्यांना उत्तेजित करत होती. यासाठी ती स्वतःचे अर्धनग्न फोटो, व्हिडीओ त्यांना इन्स्टाग्रामवर पाठवत होती. त्याशिवाय व्हिडीओ कॉल करूनअश्लील कृत्य करायची. मागील बऱ्याच दिवसांपासून हा सारा प्रकार सुरु होता.

कसा समोर आला हा प्रकार?

मात्र, या शिक्षिकेचा एका विद्यार्थ्यासोबत केलेल्या अश्लील चाळ्यांचा व्हिडीओ सोशल मीडियावर व्हायरल झाला. यामुळे हा प्रकार पालकांच्या व पोलिसांच्या निदर्शनात आला. तेव्हा तिच्याविरोधात पोलिसांकडे तक्रार दाखल करण्यात आल्यानंतर तिला अटक करण्यात आली.

पालकांना मोठा धक्का

मिळालेल्या माहितीनुसार, ही शिक्षिका उलवे परिसरात राहणारी असून तिने इतरही काही अल्पवयीन विद्यार्थ्यांना अशाप्रकारे उत्तेजित करून गळाला लावल्याची शक्यता व्यक्त केली जात आहे. तिने त्यांच्यासोबत गैरकृत्य केले आहे का? याचा अधिक तपास पोलिस करत आहेत. मात्र, शिक्षिकेच्या या कृत्याने पालकांना धक्का बसला आहे.

मुंबईतही समोर आलेला असाच काहीसा धक्कादायक प्रकार

काही आठवड्यांपूर्वी दादरमधील एका नामांकित शाळेतील शिक्षिकेने विद्यार्थ्यासोबत शरीरसंबंध ठेवल्याचा प्रकार समोर आला होता. या विद्यार्थ्याला त्याच्या मैत्रिणीच्या माध्यमातून जाळ्यात ओढून ही शिक्षिका दक्षिण मुंबईतील अनेक फाइव्ह स्टार हॉटेलमध्ये या विद्यार्थ्याला घेऊन जायची. तिथे ती त्याच्यासोबत अश्लील चाळे करायची आणि नंतर शरीरसंबंध ठेवायची. बराच काळ हा प्रकार सुरु होता. हा मुलगा तणावात राहू लागल्याने पालकांना शंका आल्यावर त्यांनी विचारपूस केली असता हा प्रकार उघड झाला. या शिक्षिकेने कोर्टासमोर दोघांमधील संबंध हे परस्पर संमतीने होते असा दावा केला आहे.

Source link

'बाप म्हणून मला…' धनंजय मुंडे लेकीसाठी झाले व्यक्त, शेअर केली भावुक पोस्ट

by Hansraj Agrawal | Jul 29, 2025 | Trending News

माजी मंत्री धनंजय मुंडे आपल्या राजकीय वर्तुळात वेगवेगळ्या कारणांमुळे चर्चेत असतात. मग ते संतोष देशमुख हत्या प्रकरण असो किंवा त्यांच मंत्रीपद जाणं असो. याकाळात धनंजय मुंडे यांनी दिलेल्या प्रतिक्रिया तितक्याच महत्त्वाच्या होत्या. पण या सगळ्यात जेव्हा धनंजय मुंडेंमधला बाप व्यक्त होतो तेव्हा…

धनंजय मुंडे यांनी आपली दुसरी कन्या जान्हवी मुंडे हिच्या यशाबद्दल एक अभिमानास्पद पोस्ट शेअर केली आहे. या पोस्टमध्ये त्यांनी जान्हवी मुंडेच्या शैक्षणिक प्रगतीबद्दल माहिती दिली आहे. तसेच जान्हवी आता कोणती जबाबदारी सांभाळत आहे. तसेच परदेशात राहूनही बाप म्हणून मला तिच्या मेहनतीचा, संवेदनशीलतेचा आणि प्रगतीचा खूप अभिमान वाटतो, अशी भावना यामध्ये त्यांनी व्यक्त केली आहे.

काय आहे पोस्टमध्ये

माझी कन्या जान्हवीचा मनापासून अभिमान वाटतो!

जान्हवी सध्या Wesleyan University, USA मध्ये Government आणि Literature या दोन विषयांमध्ये पदवी घेत आहे. मानवी हक्कांसाठी अभ्यास करणं हे तिचं खास क्षेत्र आहे.

कॉलेजच्या वृत्तपत्रात ती आधी फोटो आणि विशेष लेख विभागाची प्रमुख होती, आता ती संपूर्ण वृत्तपत्राची मुख्य संपादक झाली आहे!

CT Mirror या अमेरिकेतील प्रसिद्ध वृत्तसंस्थेत ती सध्या पत्रकार म्हणून काम करते आणि तिथे समाज, सरकार आणि लोकांच्या प्रश्नांवर ती संवेदनशीलपणे लिखाण करते.

शिक्षणासोबतच ती सोशल मिडिया आणि जेलमध्ये शिक्षण देणाऱ्या संस्थेत संशोधन करत आहे.

बाप म्हणून मला तिच्या मेहनतीचा, संवेदनशीलतेचा आणि प्रगतीचा खूप अभिमान वाटतो.

ती जे काही करतेय, ते केवळ यशासाठी नाही, तर समाजासाठी आहे आणि हेच तिचं खऱ्या अर्थानं मोठेपण आहे!

Proud of you Janhavi!

धनंजय मुंडे यांची खास पोस्ट

माझी कन्या जान्हवीचा मनापासून अभिमान वाटतो!

जान्हवी सध्या Wesleyan University, USA मध्ये Government आणि Literature या दोन विषयांमध्ये पदवी घेत आहे. मानवी हक्कांसाठी अभ्यास करणं हे तिचं खास क्षेत्र आहे.

कॉलेजच्या वृत्तपत्रात ती आधी फोटो आणि विशेष लेख विभागाची प्रमुख होती, आता… pic.twitter.com/YXs3TOoZIw

— Dhananjay Munde (@dhananjay_munde) July 29, 2025

धनंजय मुंडे यांना वैष्णवी मुंडे, जान्हवी मुंडे, आदीश्री मुंडे अशा तीन मुली आहेत. वैष्णवी मुंडे ही माजी मंत्री धनंजय मुंडे आणि राजश्री मुंडे यांची सर्वात मोठी मुलगी वैष्णवी मुंडे आहे. दुसरी मुलगी जान्हवी असून त्यांच्या धाकट्या मुलीचे नाव अधीश्री आहे. वैष्णवीने फॅशन डिझायनिंगचे शिक्षण घेतले आहे. वैष्णवी मुंबईतील एका नामांकित कंपनीमध्ये मार्केटिंग डायरेक्टर म्हणून काम करत आहे.

Source link

शनि शिंगणापूरच्या माजी विश्वस्ताचं टोकाचं पाऊल, गळफास घेऊन संपवलं जीवन

by Hansraj Agrawal | Jul 28, 2025 | Trending News

लैलेश बारगजे, झी 24 तास, अहिल्यानगर : शनि शिंगणापूर देवस्थानचे माजी विश्वस्त आणि सध्याचे उपकार्यकारी अधिकारी नितिन शेटे यांनी आपलं जीवन संपवलंय. मागील काही दिवसांपासून शनि शिंगणापूर देवस्थानच्या गैरकारभाराची चौकशी सुरू आहे. चौकशीच्या कारणामुळे नितीन शेटे यांनी हे टोकाचं पाऊल उचललल्याची चर्चा सुरू आहे.

शनी शिंगणापूर देवस्थानचे माजी विश्वस्त आणि सध्याचे उपकार्यकारी अधिकारी नितीन शेटे यांनी आत्महत्या केली आहे. नितीन शेटे यांनी घरात गळफास घेऊन आपलं जीवन संपवलं आहे. नितीन शेटे हे 2021 पासून शनी शिंगणापूर देवस्थानचे उपमुख्य कार्यकारी अधिकारी आहेत. सध्या देवस्थानच्या विश्वस्त मंडळाच्या कारभारासंदर्भात चौकशी सुरू आहे. आणि याच चौकशीमुळे शेटे यांनी हे टोकाचं पाऊल उचललंय का? अशी चर्चा सध्या सुरू आहे.

सध्या देवस्थानच्या नावाने चालवल्या जाणाऱ्या बनावट ऑनलाईन अँप प्रकरणी शनी शिंगणापूर पोलीस ठाण्यात गुन्हा दाखल असून या प्रकरणाचा तपास सुरू आहे. या प्रकरणात अनेक पदाधिकाऱ्यांचे आणि पुजाऱ्यांचे जबाब पोलिसांनी नोंदवले आहेत. मात्र, नितीन शेटे यांना या चौकशीसाठी कधीही पोलिसांनी बोलावले नव्हते किंवा त्यांना समन्सही बजावण्यात आले नव्हते, अशी माहिती जिल्हा पोलीस अधीक्षक सोमनाथ घार्गे यांनी दिली.

तर या आत्महत्या प्रकरणाची सखोल चौकशी व्हावी.. आणि मुख्यमंत्रीत्र्यांनी शनी शिंगणापूरच्या गावकऱ्यांना देण्यात आलेल्या आश्वासनाची पूर्तता करावी असी मागणी ठाकरेंच्या शिवसेनेचे नेते अंबादास दानवे यांनी केली आहे.

शनी शिंगणापूर देवस्थानच्या भ्रष्टाचाराची चौकशी सुरू असतानाच माजी विश्वस्ताने आत्महत्या केल्यानं या दोन्ही घटनांचा संबंध जोडला जातोय. मात्र असं असलं तरी या प्रकरणात नितीन शेटेंची कोणताही चौकशी करण्यात आली नसल्याचं पोलिसांनीहच स्पष्ट केलंय.. त्यामुळे आता या आत्महत्या प्रकरणाची चौकशी पोलिसांनी सुरू केलीय. यातून काय समोर येतंय ते पाहणं महत्वाचं ठरणार आहे..

Source link

'तिघांच्या आयुष्याची भट्टी लागू दे…' अघोरी प्रकाराने कोल्हापूर पुन्हा हादरले! पतीने सोडचिठ्ठी द्यावी म्हणून स्मशानभूमीत…

by Hansraj Agrawal | Jul 28, 2025 | Trending News

प्रताप नाईक, झी मीडिया

Kolhapur Crime News: कोल्हापूरात एक भयंकर प्रकार उघडकीस आला आहे. महिन्याभरापूर्वी कोल्हापुरात अघोरी प्रकार घडल्याचे समोर आले होते. त्यानंतर पुन्हा एकदा असाच प्रकार समोर आल्याने एकच खळबळ उडाली आहे. महिलेने पतीला सोडचिठ्ठी द्यावी, म्हणून हा अघोरी प्रकार केल्याचा प्रकार समोर आला आहे. कोल्हापूर जिल्ह्यातील कुरमधल्या स्मशानभूमीत हा अंधश्रद्धेचा प्रकार समोर आला आहे.

कोल्हापुरात अंधश्रद्धेमुळे स्मशानभूमीत केल्या जाणाऱ्या अघोरी प्रकारांमध्ये दिवसेंदिवस वाढ होत आहे. त्यामुळेच पुरोगामी म्हणून असणारी जिल्ह्याची ओळख आता पुसट होताना पाहायला मिळत आहे. कोल्हापूरच्या भुदरगड तालुक्यातील कुर परिसरात स्मशानभूमीमध्ये एक अघोरी प्रकार उघडकीस आलाय. एका महिलेने आपल्या पतीपासून ‘सोडचिठ्ठी’ देऊन वेगळं व्हावं आणि आणखी तिघांचे आयुष्य उद्ध्व्स्त होण्यासाठी हा अघोरी प्रकार केला गेल्याचा संशय आहे.

भुदरगड तालुक्यातील कुर गावात एका नागरिकाच्या अंत्यविधीसाठी स्मशानभूमीत तयारी सुरू होती. काही मंडळी साफसफाईसाठी स्मशानभूमीत गेले असता त्यांना बाहुली, नारळ, लिंबू, लोखंडी खिळे, गुलाल आणि हाताने लिहिलेला कागद मिळून आला. त्यावेळी तिथे एक कागददेखील सापडला. हा कागद उघडून वाचला असता त्यावर एका महिलेचे नाव नमूद करुन सोडचिठ्ठी द्यावी असा मजकूर लिहलेला आहे.

तसंच, त्या चिठ्ठीत आणखी तिघांची नावं लिहून त्यांच्या आयुष्याची भट्टी लागवी म्हणजेच वाट लावावी असेही लिहिलं होतं. दरम्यान अशा अंधश्रद्धा पसरवणाऱ्या व्यक्तींवर आणि त्यामागील सूत्रधारांवर कठोर कारवाई करण्यात यावी, अशी मागणी ग्रामस्थांकडून केली जात आहे. या प्रकारामुळं गावकऱ्यांमध्ये भीतीचे वातावरण पसरले आहे. तसंच, संतापाची लाटदेखील गावकऱ्यांमध्ये पसरली आहे. अंधश्रद्धा पसरवणाऱ्या व्यक्ती आणि त्यामागील सूत्रधारांवर कठोर कारवाई करण्यात यावी, अशी मागणी ग्रामस्थांकडून केली जात आहे.

कोल्हापुरात खळबळ

दरम्यान, काही महिन्यांपूर्वीदेखील कोल्हापुरात असाच एक प्रकार उघडकीस आला होता. कोल्हापुरात पुरुष आणि महिलेकडून स्मशानभूमीत नग्न पूजा करण्यात आली होती. कोल्हापूर जिल्ह्यातील उदगावच्या स्मशानभूमीत अघोरी कृत्य केले होते. राजर्षी छत्रपती शाहू महाराजांच्या कोल्हापूर नगरीत आजवर कधीच अंधश्रद्धेला स्थान मिळालं नाही. पण गेल्या काही वर्षात भोंदूगिरीचे अनेक प्रकार कोल्हापुरात घडत आहेत. त्यामुळं एकच खळबळ उडाली आहे.

Source link

« Older Entries

Times Top News

Times Top News

Recent Posts

Recent Comments