by Hansraj Agrawal | Oct 10, 2023 | Trending News
Maharashtra Rain Latest Weather Update : जवळपास महिनाभर दडी मारलेल्या पावसानं महाराष्ट्राला सप्टेंबर महिन्यात ओलंचिंब केलं. अनेकांनी याचं श्रेय नक्षत्राला दिलं, तर हवमान विभागाकडून मात्र अरबी समुद्रावरील कमी दाबाच्या पट्ट्यामुळं दिलासादायकत पर्जन्यमान झाल्याचं म्हटलं. मुद्दा असा, की हा पाऊस आता मात्र परतीच्या वाटेवर लागला आहे. इतकंच काय तर, मुंबईतून दक्षिण पश्चिम मान्सूननं निरोप घेतला असून, आता शहरातील हवामान कोरडं होत असल्याची बाब निरीक्षणास आली आहे.
परिणामी सध्यातरी शहरात पावसाची शक्यता वर्तवली जात नाहीये. असं असलं तरीही फक्त कोकणातील काही भागांमध्ये मात्र पाऊस मधूनच हजेरी लावू शकतो. त्यामुळं अचानक आलेल्या या सरी उष्णता आणखी वाढवण्यास कारणीभूत ठरणार आहे. तिथं विदर्भ आणि मराठवाड्यातूनही पावसानं काढता पाय घेतला आहे.
देशाच्या उत्तरेकडे थंडीची चाहूल असतानाच पावसाचीही हजेरी
‘स्कायमेट’ (Skymet) या खासगी संस्थेच्या माहितीनुसार पश्चिमी झंझावातामुळं आता जम्मू काश्मीर, हिमाचल प्रदेश, लडाख आणि उत्तराखंडसब देशातील उत्तरेकडे असणाऱ्या पर्वतीय भागांमध्ये पावसाची शक्यता वर्तवली जात आहे. पुढील दोन दिवसांसाठी या भागात पावसाची हजेरी असेल.
मागील काही दिवसांपासून उत्तर भारतामध्ये थंडीची चाहूल लागली होती. पण, आता मात्र या भागांमध्ये पावसानंही हजेरी लावल्यामुळं मैदानी भागांमधील तापमानाच काही अंशी घट झाल्याचं पाहायला मिळू शकतं. तर, पर्वतीय भागांमध्ये पारा बराच खाली जेण्याची शक्यता वर्तवण्यात आली आहे. गिलगिट, बाल्टिस्टान आणि जम्मू काश्मीरमध्ये काही प्रांतांवर हिमवर्षावही होऊ शकतो.
देशाच्या दक्षिणेकडे आंध्र प्रदेशचा किनारपट्टी भाग आणि लक्षद्वीपमध्ये पावसाच्या हलक्या सरी असतील. तर, केरळच्या किनारपट्टी भागात हवमान दमट राहील. देशातील इतर राज्यांमध्ये तुलनेनं हवामान कोरडच असणार आहे.
Source link
by Hansraj Agrawal | Oct 9, 2023 | Trending News
गडचिरोली जिल्ह्यात अत्यंत धक्कादायक प्रकार घडला आहे. एका शिक्षकाने एका विद्यार्थीनीला रोजंदारीवर कामावर ठेवले आहे.
Source link
by Hansraj Agrawal | Oct 8, 2023 | Trending News
Ajit Pawar Vs Sharad Pawar : पिंपरी चिंचवडच्या बालेकिल्ल्यात अजित पवारांना धक्का देण्यासाठी शरद पवारांनी मोठा डाव टाकला आहे. अजितदादांचा एकेकाळचा कट्टर समर्थक नेता लवकरच शरद पवार गोटात सामील होणार आहे. पिंपरीत मोठी राजकीय घडामोड घडली आहे. यामुळे राजकीय वर्तुळात चर्चेला उधाण आले आहे.
अजित पवारांचा बालेकिल्ल्याला सुरुंग
पिंपरी चिंचवड म्हणजे उपमुख्यमंत्री अजित पवारांचा बालेकिल्ला. मात्र, याच बालेकिल्ल्याला सुरूंग लावण्यासाठी सिनिअर पवारांनी मोठा डाव टाकला आहे. पिंपरी चिंचवडचे माजी महापौर आझम पानसरे यांनी रविवारी पुण्यात राष्ट्रवादी काँग्रेस अध्यक्ष शरद पवारांची भेट घेतली. त्यामुळं सगळ्यांच्याच भुवया उंचावल्यात.
कोण आहेत आझम पानसरे?
पिंपरी चिंचवडच्या राजकारणात आझम पानसरे हे मोठं नाव आहे. अजित पवारांचे एकेकाळचे कट्टर समर्थक ही त्यांची ओळख पिंपरीत राष्ट्रवादीची सत्ता आणण्यात पानसरेंचा मोठा वाटा होता. प्रतिकूल परिस्थितीत पानसरेंनी राष्ट्रवादीची खिंड लढवली
भाजपची सत्ता आल्यानंतर आझम पानसरेंनी भाजपात प्रवेश केला. पानसरेंचा मुलगा निहाल पानसरे अजित पवार गटात सामील झाला. तर, आझम पानसरे लवकरच शरद पवारांना पाठिंबा देतील, असा दावा केला जात आहे.
काका विरुद्ध पुतण्या अशी नवी लढाई
पुण्यात पवार-पानसरे भेटीच्या वेळी राष्ट्रवादीचे पिंपरी चिंचवड शहराध्यक्ष तुषार कामठेही सोबत उपस्थित होते. राष्ट्रवादीत फूट पडल्यानंतर पक्ष मजबूत करण्यासाठी शरद पवार पुन्हा एकदा मैदानात उतरलेत. पक्षाच्या जुन्या जाणत्या कार्यकर्त्यांच्या भेटीगाठी घ्यायला त्यांनी सुरूवात केलीय. त्याचाच एक भाग म्हणून राष्ट्रवादीचा बालेकिल्ला असलेल्या पिंपरी चिंचवडमध्ये पवारांनी खास लक्ष घातलंय. गणेशोत्सव काळात रोहित पवारही पिंपरी चिंचवडमध्ये सक्रीय झाल्यानं काका विरुद्ध पुतण्या अशी नवी लढाई सुरू झाल्याचं चित्र दिसलं.
अजित पवार गट खिळखिळा करण्याची रणनीती
आगामी निवडणुकीत पानसरेंसारख्या कट्टर समर्थकाला मानाचं पान देऊन अजित पवार गट खिळखिळा करण्याची रणनीती पवारांनी आखलीय. पानसरेंना आपलंसं करून एकाच दगडात अजित पवार आणि भाजप असे दोन पक्षी गारद करण्याची शरद पवारांची खेळी दिसत आहे.
शरद पवार गटानंतर अजित पवार गटाची सुप्रीम कोर्टात धाव
राष्ट्रवादी कुणाची? हा वाद शिगेला पोहचलेला असतानाच आता शरद पवार गटानंतर अजित पवार गटानेही सुप्रीम कोर्टात धाव घेतलीय. आमचं म्हणणं ऐकून घेतल्याशिवाय कोणताही निर्णय घेऊ नये अशी विनंती अजित पवार गटाने केलीय. अजित पवार गटाकडून कॅव्हेट दाखल दाखल करण्यात आलंय. अजित पवारांच्या गटातील आमदारांवर निलंबनाची कारवाई करण्याचे आदेश विधानसभा अध्यक्षांना द्यावेत.. अशी मागणी शरद पवार गटाकडून करण्यात आलीय. या प्रकरणाची सुनावणी उद्या म्हणजे 9 ऑक्टोबरला सुप्रीम कोर्टात होणार आहे. त्यामुळेच अजित पवार गटाकडून कॅव्हेट दाखल करण्यात आलंय.
Source link
by Hansraj Agrawal | Oct 8, 2023 | Trending News
पुढील
बातमी
टोलवाढीसंदर्भातील मनसेचे उपोषण मागे पण राज ठाकरे आक्रमक, काय निर्णय घेतला? जाणून घ्या
Source link
by Hansraj Agrawal | Oct 7, 2023 | Trending News
योगेश खरे, झी मीडिया नाशिक : राष्ट्रवादी काँग्रेसमध्ये (NCP) दुसरी चूल मांडल्यानंतरही अजित पवार गटाने शरद पवारांना (Sharad Pawar) विठ्ठलाची उपमा दिली होती. मात्र आता चित्र बदललं आहे. आता अजित पवार गटानं (Ajit Pawar Group) आपलं दैवतच बदलल्याची चर्चा आहे. कारण अजित पवार गटानं शरद पवारांऐवजी त्यांचे राजकीय गुरु यशवंतराव चव्हाणांचे (Yashwantrao Chavan) फोटो बॅनरवर (Banner) वापरायला सुरुवात केलीय. बॅनरवरुन शरद पवार गायब आहेत, त्या जागी यशवंतराव झळकताना दिसतायत. अजित पवार गटाला शरद पवारांनी आपले फोटो बॅनरवर वापरु नये अशी तंबी दिली होती, त्यानंतर चक्क नाशिकमध्ये अजित पवार गटाच्या होल्डिंग्सवर पवारांऐवजी यशवंतरावांचे फोटो दिसलेत.
यशवंतरावांचेच फोटो का?
यशवंतराव चव्हाण हे शरद पवारांचे राजकीय गुरु मानले जातात. यशवंतराव चव्हाणांनी पवारांना मानसपुत्र मानलं होतं. चव्हाण हे नाशिकमधून लोकसभेवर बिनविरोध निवडून गेले होते. चव्हाणांचा फोटो वापरत पवारांना शह देण्याचा अजित पवार गटाचा प्रयत्न आहे. दरम्यान अजित पवार गटाच्या या खेळीवर शरद पवार गटानं टीकास्त्र सोडलंय. पण पवारांना डावलून यशवंतरावांचा फोटो वापरण्यात आल्यानं अजित पवार गटाच्या या खेळीची चर्चा होतेय..
अजित पवार यांच्या गटाकडून वापरण्यात येत असलेल्या शरद पवारांच्या फोटोवर खुद्द शरद पवारांनीच आक्षेप घेतला होता. त्यानंतर शरद पवारांचा फोटो डावलत थेट यशवंतरावांचा फोटो अजित पवार गटाकडून वापरण्यात आलाय.. हा अजित पवार गटाकडून शरद पवार गटाला चेकमेट करण्याचा प्रयत्न असल्याचं मानलं जातंय.
अजित पवारांना छुपा पाठिंबा?
राष्ट्रवादी कुणाची यावर निवडणूक आयोगामध्ये वादळी सुनावणी झाली….शिवसेनेला ज्या पद्धतीनं संख्याबळाच्या आधारावर चिन्ह दिलं गेलं, त्याचा दाखला अजित पवार गटानं निवडणूक आयोगासमोर दिला. तर अंतिम निर्णय होईपर्यंत चिन्ह गोठवू नका, अशी मागणी शरद पवार गटानं केली.
दुसरीकडे राष्ट्रवादी काँग्रेसमधल्या फुटीवर निवडणूक आयोगाच्या सुनावणीला स्वत: शरद पवार उपस्थित राहिल्यामुळे या बंडाला पवारांचा छुपा पाठिंबा असल्याच्या चर्चांना अखेर पूर्णविराम मिळालाय. आयोगाच्या पहिल्याच सुनावणीला थेट दिल्लीत जाऊन पवार हजर राहिल्यामुळे त्यांनी ही लढाई निकाराची केल्याचं स्पष्ट झालंय. विशेष म्हणजे या वयात पवार सर्व आघाड्यांवर स्वत: मैदानात उतरत आहेत. मग ते अजित पवारांसोबत गेलेल्या मंत्र्यांच्या मतदारसंघात सभा घेऊन थेट आव्हान देणं असो की भाजपविरोधात उघडलेल्या इंडिया आघाडीचा पुढाकार असो, पवार प्रत्येक आखाड्यात स्वत: शड्डू ठोकून उभे आहेत.
Source link
by Hansraj Agrawal | Oct 7, 2023 | Trending News
अमर काणे, झी मीडिया, नागपूर : आशियाई क्रीडा स्पर्धेत (Asian Games 2023) आजचा दिवस अत्यंत महत्त्वाचा आणि ऐतिहासिक ठरला आहे. आशियाई क्रीडा स्पर्धेत भारताने ऐतिहासिक कामगिरी करत 101 पदकांची कमाई केली आहे. यामध्ये 25 सुवर्ण पदकांचा देखील समावेश आहे. आजच्या महत्त्वाच्या दिवशीच नागपूरकर (Nagpur) ओजस देवतळेनेही (Ojas Devtale) आशियाई क्रीडा स्पर्धेत तिसरे सुवर्णपदक मिळवले आहे. ओजस देवतळेने शनिवारी तिरंदाजीत कंपाउंड इव्हेंटमध्ये( वैयक्तिक) गोल्ड मेडल मिळवले आहे. याअगोदर ओजसने मेन्स टीम कंपाऊंड आणि मिक्स टीम कंपाउंड मध्ये सुवर्णपदक जिंकले आहे.
तिरंदाजीत कंपाउंड इव्हेंटच्या फायनलमध्ये ओजस देवतळेने भारताच्या अभिषेक वर्मा विरुद्ध सरशी साधली आहे. तिसचे सुवर्णपदक जिंकत असताना नागपुरात ओजसच्या घरी त्याचे कुटुंबीय आणि तिरंदाज मित्रमंडळी एकत्र त्याचा इव्हेंट पाहिला. त्याने सुवर्णपदक जिंकल्यानंतर त्यांनी फटाके फोडून, मिठाई वाटून आणि ढोल ताशावर नाचत आपला आनंद साजरा केला आहे.
दरम्यान, याआधीआशियाई क्रीडा स्पर्धेत कंपाउंड मिश्र सांघिक तिरंदाजी इव्हेंटमध्ये मराठमोळ्या ओजस देवतळे व ज्योती वेण्णम यांनी सुवर्णवेध घेतला होता. देशाकरता सुवर्णपदकाची कमाई करताना ओजसने आशियाई क्रीडा स्पर्धेत मेडल मिळवणारा पहिला नागपूरकर होण्याचाही मान मिळवला आहे. झपाटल्यागत 12 तासांची मेहनत आणि सोशल मीडियापासून अलिप्त राहत आणि प्रचंड कष्ट आणि मेहनत घेत ओजसने आशियाई क्रीडा स्पर्धेत पदक मिळवण्याची ही किमया साधली आहे.
ओजसने मिळवलेल्या या यशानंतर त्याचे आई-वडीलही भावनिक झाले होते. नागपुरात तिरंदाजीच्या फारशा सुविधा उपलब्ध नसताना ओजसने सातारा येथे जाऊन सराव केला. पाऊस ,ऊन असला तरी त्याच्या सरावात कधीच खंड पडला नाही. ओजसला लहानपणापासून तिरंदाजीमध्ये आवड होती. त्याने शालेय, राज्य आणि देशपातळीवर आपलं कौशल्य दाखवत अनेक पदकं मिळवली आहेत. बालपणी नेम मारण्यासाठी खेळण्यातल्या धनुष्य हाती आल्यानंतर खराट्याच्या काड्यांचा ओजसने वापर केला होता आणि इथूनच त्याच्या तिरंदाजीचा प्रवास सुरु झाला होता.
पंतप्रधानांकडून कौतुक
ओजस देवतळेने कंपाऊंड तिरंदाजीत सुवर्णपदक पटकावल्यानंतर पंतप्रधान नरेंद्र मोदी यांनी त्याचं कौतुक केलं आहे. दृढ संकल्प आणि एकाग्रता यामुळे ओजसने चाांगली कामगिरी केली आहे. त्याने सूवर्ण पदक जिंकून देशाचा गौरव वाढवला आहे, असं ट्विट पंतप्रधान नरेंद्र मोदी यांनी केलं आहे. ओजसच्या या यशाबद्दल उपमुख्यमंत्री देवेंद्र फडणवीस यांनीही त्याचे कौतुक केलं होतं. देवेंद्र फडणवीस यांनी ओजसचे वडील प्रवीण देवतळे आणि आई अर्चना देवतळे यांच्याशी दूरध्वनीवरून संवाद साधून त्यांचंही अभिनंदन केलं होतं.
Source link
