Chhatrapati Shivaji Maharaj Actor Rahul Solapurkar : महाराष्ट्रातील जवळपास प्रत्येकासाठीच छत्रपती शिवाजी महाराज म्हणजे आदर्श… पण याच महाराजांविषयी अभिनेत्यानं केलेलं वक्तव्य ठरतंय वादाचा विषय.
Source link
Crime News : नागपुरात एका शिक्षकाची विकृत वृत्ती समोर आली आहे. तो लपून शौचालयाच्या खिडकीतून महिलांचे अश्लिल व्हिडीओ काढायचा.
Source link
किल्ले हरिश्चंद्रगडाचा फेरा मोठा असल्यानं गड फिरण्यासाठी किमान एक दिवस सहज लागतो. हा भाग मानवी वस्तीपासून काहीशा आडवळणाला आहे. त्यामुळे गडावर पोहोचणं, गड पाहणं यात तीन दिवस सहज जातात. तीन दिवस सवड काढा आणि हरिश्चंद्रगडावर फेरफटका मारा.
Source link
Santosh Deshmukh Family Meet Namdev Shastri On Bhagwangad: बीडमधील मस्साजोग गावचे सरपंच संतोष देशमुख यांच्या हत्येला 50 दिवसांहून अधिक कालावधी उलटून गेल्यानंतरही या प्रकरणावरुन राजकीय वातावरण तापलेलं आहे. असं असतानाच या प्रकरणाशीसंबंधित खंडणीच्या गुन्ह्याअंतर्गत मंत्री धनंजय मुंडेचा निकटवर्तीय वाल्मिक कराडला अटक करण्यात आल्यापासून त्यांच्या राजीनाम्याची विरोधकांकडून मागणी केली जात आहे. अशातच बीडमधील भगवानगडाचे महंत नमादेव शास्रींनी धनंजय मुंडेंना पाठिंबा जाहीर केला आहे. असं असतानाच आज सरपंच संतोष देशमुखांचे नातेवाईक आज महंत नामदेव शास्रींची भेट घेण्यासाठी आणि संतोष देशमुख हत्या प्रकरणामधील पुरावे दाखवण्यासाठी पोहोचले आहेत. सरपंच देशमुख हत्या प्रकरणातील पुराव्याची फाईल घेऊन धनंजय देशमुख, वैभवी देशमुख दुपारी 12 वाजण्याच्या सुमारास भगवानगडावर दाखल झाले आहेत.
महंत नामदेव शास्त्री यांच्या भेटीनंतर नारायण गडावरील महंत शिवाजी महाराज यांची देखील देशमुख कुटुंबाकडून भेट घेतली जाणार असून ते या प्रकरणासंदर्भात चर्चा करणार आहे. भगवानगडानंतर देशमुख कुटुंब बीड मधील नारायणगडावर देखील जाणार आहे. यानंतर नारायण गडावरची भेट देखील अतिशय महत्त्वाची आहे. मात्र भगवानगडाबरोबर नारायगडावर देशमुख कुटुंब जी फाईल घेऊन गेलं आहे त्यामध्ये नेमकं आहे तरी काय? हेच जाणून घेऊयात…
1) मुख्य आरोपी सुदर्शन घुले आणि त्याच्या साथीदारांनी संतोष देशमुख यांची कशी हत्या केली? या हत्या प्रकरणाला आवादा पवनचक्की कंपनीकडून मागितलेली खंडणी कशी जबाबदार आहे याचे पुरावे फाइलमध्ये आहेत.
2) विष्णू चाटे आणि वाल्मीक कराड यांचे आणि संतोष देशमुख हत्या प्रकरणातील प्रमुख मारेकरी यांचे कसे संबंध आहेत याचेही पुरावे सदर फाइलमध्ये आहेत.
3) संतोष देशमुख हत्या प्रकरण किती भयंकर होते आणि किती क्रूर पद्धतीने संतोष देशमुख यांची हत्या करण्यात आली याचे पुरावे महंतांना दाखवण्यात आले.
4) संतोष देशमुख यांचं अपहरण करण्यात आलं होतं. त्यावेळी धनंजय देशमुख आणि विष्णू चाटेमध्ये काय संवाद झाला याची माहिती देखील धनंजय देशमुख देणार आहेत.
5) संतोष देशमुख हत्या प्रकरणातील मुख्य आरोपी सुदर्शन घुलेसह त्याच्या साथीदारांनी पवनचक्की प्रकल्पावर अशोक सोनवणे नावाच्या गार्डला कशा पद्धतीने मारहाण केली याचे पुरावे दाखवले.
6) संतोष देशमुख यांना मारहाण करता वेळेस आरोपींकडून व्हिडिओ कॉल करण्यात आला होता. ‘मोकारपंती’ ग्रुपवर हे व्हिडीओ शेअर करण्यात आले. याचे देखील पुरावे धनंजय देशमुख नामदेव शास्त्री यांच्याकडे दिले.
7) खंडणी प्रकरणातील आणि हत्या प्रकरणातील आरोपी एकच असल्याचा देखील पुरावा देखील देशमुख कुटुंबाने दिला आहे.
8) संतोष देशमुख यांच्या हत्या प्रकरणाच्या अगोदर हत्या प्रकरणातील मुख्य आरोपी सुदर्शन घुलेसह खंडणी प्रकरणातील आरोपींची झालेल्या बैठकीचे देखील पुरावे महंतांकडे दिले आहेत
9) मंत्री धनंजय मुंडे यांना हत्या प्रकरण आणि खंडणी प्रकरणात का जबाबदार धरले जाते यासंदर्भातील देखील काही गोष्टी महंत नामदेव शास्त्री यांच्यासमोर मांडल्या आहेत.
10) संतोष देशमुख यांच्या हत्येच्या नंतरचा शवविच्छेदन रिपोर्टमधील मारहाणीचा फोटो सोशल माध्यमांवर व्हायरल झाला आहे. तो देखील महंतांना दाखवला.
11) मकोका कारवाई आणि खंडणी प्रकरणातील आरोपी वाल्मिक कराड आणि मंत्री धनंजय मुंडे यांची व्यवसायामध्ये असलेली भागीदारी याचे देखील पुरावे नामदेव शास्त्रींकडे दिले आहेत.
12) आरोपी वाल्मिक कराड याला वाचवण्यासाठी मंत्री धनंजय मुंडे यांच्याकडून प्रयत्न केला जात आहे. असा आरोप होतोय. धनंजय मुंडे मंत्री असल्याने तपास यंत्रणेवर ते दबाव देत आहेत.
Mahant Namdeo Shastri Exclusive Interview: महंत नामदेवशास्त्रींनी धनंजय मुंडेंना पाठिंबा दिला. या पाठिंब्यानं धनंजय मुंडेंना समाजाची सहानुभूती मिळेल असं वाटलं होतं. पण झालं उलटच धनंजय मुंडेंना सहानुभूती मिळणं दूरच राहिलं, उलट नामदेवशास्त्रीच टीकेचे धनी झालेत. सहानुभूतीच्या या अस्त्राचं नामदेवशास्त्रींवरच बुमरँग झाल्याचं पाहायला मिळालं.
भगवानगडाचे मंहंत नामदेवशास्त्रींनी अन्न व नागरी पुरवठामंत्री धनंजय मुंडेंची पाठराखण केली. धनंजय मुंडेंना आपण पाठिंबा दिल्यास समाजही धनंजय मुंडेंना पाठिंबा देईल आणि धनंजय मुंडेंविषयी सहानुभूती निर्माण होईल असा शास्त्रीजींचा अंदाज होता. पण त्यांनी जे ठरवलं ते झालं नाही. त्यांनी पाठिंबा जाहीर केल्या क्षणापासून त्यांच्या भूमिकेवर टीका होऊ लागली. झी 24 तासला दिलेल्या मुलाखतीत नामदेवशास्त्रींनी धनंजय मुंडेंचं आपण वैयक्तिक भूमिकेतून पाठराखण केल्याचं सांगितलं.
एरव्ही राजकीय भूमिका न घेणारे नामदेवशास्त्री यावेळी मात्र धनंजय मुंडेंची पाठराखण करताना पुढं आल्याचं पाहायला मिळालं. भगवानगडाचे महंत राजकीय भूमिका कशी घेऊ शकतात असा प्रश्न विचारल्यावर ही भूमिका भगवानगडाची असल्याचं घूमजाव नामदेवशास्त्रींनी केलं.
महंतांनी धनंजय मुंडेंच्या डोळ्यात वेदना आणि थकवा दिसल्याचं सांगितलं होतं. धनंजय मुंडेंच्या हातावरची सलाईनची सुई आणि रक्त दिसल्याचं सांगितलं. झी 24 तासच्या मुलाखतीचा हवाला देत मनोज जरांगे पाटलांनी नामदेवशास्त्रींना संतोष देशमुखांच्या मुलांच्या वेदना दिसल्या नाही का असा प्रश्न विचारला..
धनंजय मुंडेंची पाठराखण करणा-या महंतांच्या भूमिकेचा खासदार बजरंग सोनवणेंनी समाचार घेतला. नामदेवशास्त्रींनी धनंजय मुंडेंच्या पाठिशी समाजाचं बळ आहे हे सांगण्यासाठी जाहीर पाठिंबा दिला. पण या पाठिंब्याचा त्यांच्यावरच बुमरँग झाला. धनंजय मुंडेंच्या पाठिशी सहानुभूतीचा लाट उभी राहण्याऐवजी नामदेवशास्त्रींविरोधातच संतापाची लाट निर्माण झाल्याचं पाहायला मिळालं.
Mumbai Local Train Update: रविवारी तुम्हीदेखील प्रवास करण्याच्या विचारात आहात का? तर 2 फेब्रुवारी रोजी मध्य आणि पश्चिम रेल्वेवर मेगाब्लॉक घेण्यात येणार आहे. विविध अभियांत्रिकी आणि देखभालीची कामे घेण्यासाठी मध्य आणि पश्चिम रेल्वेवर रविवारी ब्लॉक घेण्यात येणार आहे. त्यामुळं काही लोकल रद्द करण्यात येतील तर काही लोक उशिराने धावणार आहेत. नागरिकांनी ब्लॉकचे वेळापत्रक पाहूनच प्रवास करावा, असं अवाहन करण्यात येत आहे. तर, शनिवारी कल्याण-वांगणी दरम्याम ट्रॅफिक ब्लॉक घेण्यात येणार आहे.
मध्य रेल्वेवर माटुंगा- मुलुंड स्थानकांदरम्यान अप आणि डाउन जलद मार्गावर सकाळी 11.30 ते दुपारी 3.30 वाजेपर्यंत मेगाब्लॉक असणार आहे.
ब्लॉक कालावधीत सीएसएमटी येथून सुटणाऱ्या डाऊन जलद मार्गावरील लोकल माटुंगा येथे डाऊन धीम्या मार्गावर वळवण्यात येणार आहेत. माटुंगा – मुलुंड स्थानकांदरम्यान लोकल नियोजित थांब्यांवर थांबतील. तर, ठाण्यापलीकडे जाणाऱ्या जलद लोकल मुलुंड येथे पुन्हा डाऊन जलद मार्गावर वळवण्यात येतील.
ठाणे येथून सुटणाऱ्या अप जलद मार्गावरील लोकल मुलुंड येथे अप धीम्या मार्गावर वळवण्यात येतील. मुलुंड – माटुंगादरम्यान नियोजित थांब्यांवर थांबतील आणि माटुंगा स्थानकावर पुन्हा अप जलद मार्गावर वळवण्यात येतील. सीएसएमटी – पनवेलदरम्यान हार्बर मार्गावर आणि ठाणे – पनवेलदरम्यान ट्रान्स हार्बर मार्गावर मेगा ब्लॉक नाही.
पश्चिम रेल्वेवर जोगेश्वरी – कांदिवलीदरम्यान पाचव्या मार्गिकेवर ब्लॉक असणार आहे. सकाळी ९.३० ते दुपारी १.३० वाजेपर्यंत मेगाब्लॉक असणार आहे.
ब्लॉक कालावधीत वांद्रे टर्मिनसवरून निघणाऱ्या सर्व मेल, एक्स्प्रेस अंधेरी – बोरिवलीदरम्यान डाऊन जलद मार्गावरून धावतील. तसेच काही लोकल फेऱ्या रद्द करण्यात येणार आहेत.
कल्याण आणि वांगणी दरम्यान एफओबीचे मुख्य गर्डर उभारणीसाठी मध्य रेल्वे शनिवारी रात्री विशेष ट्रॅफिक ब्लॉक घेण्यात येणार आहे. त्यामुळे शेवटची कर्जत लोकल ११:५१ वाजता सीएसएमटीतून सुटणार आहे. कल्याण आणि वांगणी दरम्यान एफओबीचे मुख्य गर्डर उभारणीसाठी विशेष पॉवर ब्लॉक घेण्यात येणार आहे. मध्यरात्री १:३० ते ३:३० या कालावधीत दोन तासांचा ब्लॉक घेण्यात येणार आहे. ब्लॉकपूर्वी कर्जत येथे जाणारी शेवटची लोकल सीएसएमटी येथून रात्री ११:५१ वाजता सुटेल आणि कर्जत येथे १:४९ वाजता पोहोचेल, असे मध्य रेल्वेकडून सांगण्यात आले.
