Shiv Jayanti : पुण्यातील (Pune) जुन्नर येथील शिवनेरी (Shvineri Fort) किल्ल्यावर 19 फेब्रुवारी रोजी मोठ्या उत्साहात साजरी केली जाणार आहे. राज्य सरकारतर्फेही शिवनेरी किल्ल्यावर शिवजयंतीनिमित्त अनेक कार्यक्रमांचे आयोजन करण्यात आले आहे. त्यामुळे शिवभक्त मोठ्या प्रमाणात उपस्थिक राहणार असल्याची शक्यता आहे. त्यामुळे शिंदे – फडणवीस सरकारने (Shinde – Fadnavis Government) मोठा निर्णय घेतला आहे. शिवनेरीकडे जाणाऱ्या तिन्ही टोल नाक्यावर (Toll Plaza) शिवजयतींनिमित्त वाहनांना सरकारने टोल न आकरण्याचा निर्णय घेतला आहे.
खालापूर, खेड, राजगुरु नगर येथील टोल नाक्यांवरुन जाणाऱ्या वाहनांना शिवजयंतीच्या दिवशी टोलमाफी देण्यात आली आहे. शिवजयंतीच्या निमित्ताने सरकारने हा मोठा निर्णय घेतला आहे. राज्य सरकारने मोठ्या उत्साहात शिवजयंती साजरी करण्यात येणार असल्याने मोठ्या प्रमाणात शिवभक्ती शिवनेरीवर जमणार आहेत. त्यामुळे राज्य सरकारने शिवभक्तांसाठी हा निर्णय घेतला आहे.
जुन्नर परिसरातील वाहतुकीत बदल
शिवजयंती उत्सवाच्या पार्श्वभूमीवर 18 फेब्रुवारी सकाळी 8 वाजल्यापासून ते 19 फेब्रुवारी 2023 रोजी रात्रीच्या 12 वाजेपर्यंत शिवनेरी किल्ला व परिसरामध्ये मोठ्या प्रमाणामध्ये शिवभक्त व त्यांच्या वाहनांची होणारी गर्दी पाहता तसेच कायदा व सुव्यवस्था राखण्यासाठी जुन्नर शहर व परिसरामध्ये वाहतुकीत बदल करण्याबाबतचे आदेश जिल्हाधिकारी डॉ. राजेश देशमुख यांनी जारी केले आहे.
नारायणगाव येथून जुन्नर येथे येणारी वाहतूक ही घोडेगाव फाटा, खानापूर महाविद्यालय मार्गे धामनखेल रोडने शिवनेरी किल्ल्याकडे ताथेड पार्किंग या ठिकाणी जातील. ताथेड पार्किंग ठिकाणी लावण्यात आलेली वाहने पुन्हा माघारी जाताना वडज, सावरगाव, वारुळवाडी, नारायणगांव, घोडेगाव मार्गे जातील.
गणेशखिंड, बनकफाटा ओतूर या मार्गे शिवनेरीकडे येणारी वाहने ही मुंढे हायस्कूल व आसपासचे परिसरात असलेले पार्किंग ठिकाणी लावतील व पुन्हा त्या मार्गे कल्याण, नगर, नाशिक मार्गे जातील. आपटाळे, सोमतवाडी ता. जुन्नर कडून येणारी वाहने ही प्रदक्षिणा मार्गाने हॉटेल शिवबा समोरुन ताथेड पार्किंग येथे जातील व पुन्हा वडज मार्गे जातील, असे आदेशात नमूद करण्यात आले आहे.
