This Bank In Maharashtra Hikes Loan Rate: रिझर्व्ह बँक ऑफ इंडियाने सलग सहाव्यांदा व्याजदर ‘जैसे थे’ ठेवण्याचा निर्णय गुरुवारी जाहीर केल्यानंतर दुसऱ्याच दिवशी या बँकेने ग्राहकांना मोठा धक्का दिला आहे.
Source link
Pune Crime News : पुण्यातील दांडेकर पुलाजवळील राष्ट्र सेवा दल येथे विविध संघटनांमार्फत “लढा लोकशाहीचा, अभिव्यक्ती स्वातंत्र्याचा” या विषयावर शनिवारी सायंकाळी कार्यक्रम घेण्यात आला होता. या कार्यक्रमात पत्रकार निखिल वागळे, ज्येष्ठ अभिनेते अमोल पालेकर, प्रसिद्ध वकिल असीम सरोदे यांचं व्याख्यान आयोजित केलं होतं. मात्र, या कार्यक्रमावेळी मोठा राडा झाल्याचं समोर आलं आहे. निखिल वागळे हाय हाय आणि जय श्रीरामच्या घोषणा देत निखिल वागळे यांचा कार्यक्रम उधळून लावण्याचा प्रयत्न केला गेला. त्यांचा हा प्रयत्न महाविकास आघाडीच्या कार्यकर्त्यांनी हाणून पाडला आहे. गेल्या दोन दिवसांपासून निखिल वागळे यांना होत असलेला विरोध पाहता कार्यक्रमात गोंधळ होण्याची शक्यता व्यक्त केली जात होती. अशातच ज्याची भीती होती, तेच घडल्याचं पहायला मिळालंय.
पंतप्रधान नरेंद्र मोदी आणि भाजपचे ज्येष्ठ नेते लालकृष्ण अडवाणी यांच्याविषयी आक्षेपार्ह वक्तव्य केल्याप्रकरणी निखिल वागळे यांच्याविरूद्ध विश्रामबाग पोलीस ठाण्यात गुन्हा दाखल करण्यात आला होता. भाजपचे नेते सुनिल देवधर यांनी फिर्याद दिली होती. वागळेंनी सार्वजनिक शांतता धोक्यात आणणारी पोस्ट जाणिवपूर्वक प्रसारित करुन त्यांची जनमानसातील प्रतिमा मलिन करण्याकरीता बदनामी करुन अवहेलना केली, असा आरोप त्यांच्यावर करण्यात आला होता. त्यानंतर भाजप कार्यकर्त्यांनी जोरदार राडा घातल्याचं पहायला मिळतंय.
निखिल वागळे यांची निर्भय सभा होऊ देणार नाही, असा इशारा भाजप कार्यकर्त्यांनी दिला होता. काय वाट्टेल ते झालं तरी सभा होणार. सध्या आम्ही वरिष्ठ पोलीस अधिकाऱ्यांच्या गराड्यात आहोत..पण येणार म्हंजे येणार, असं निखिल वागळे यांनी पोस्ट केलं होतं. त्यानंतर भाजप कार्यकर्त्यांनी निखिल वागळे यांना जोरदार विरोध केला.
पालकमंत्री अजित पवार म्हणाले…
अतिशय दुर्देवी घटना घडली. महायुतीचं सरकार अशी घटना खपवून घेणार नाही. हा शाहू-फुले-आंबेडकरांचा महाराष्ट्र आहे. मी सीपींशी बोलतो अन् पुढील सुचना देणार आहे. मी महाराष्ट्राची परंपरा नाही, ही आपली संस्कृती नाही, अशी अजित पवार म्हणाले आहेत.
निखिल वागळे म्हणतात…
आजवर माझ्यावर 7 वेळा हल्ले झाले. मरण माझ्या डोळ्यासमोर होतं. मी सर्व हल्लेखोरांना माफ केलंय. जिवंत आहोत तोपर्यंत संघर्ष करणार. मी अहिंसावादी माणूस आहे. मला मारलं तरी हजारो वागळे तयार होतील. शरद पवारांवर एवढी टीका होते पण पवार साहेबांसारखा सुसंस्कृत नेता आजवर पाहिला नाही, असं म्हणत वागळे यांनी भाजपला टोले लगावले आहेत. हल्ले करणारे माफिया लोक आहेत, असं म्हणत त्यांनी टीका देखील केलीये.
Abhishek Ghosalkar Shoot Dead Mauris Bhai Wife Big Revelation: शिवसेनेच्या ठाकरे गटाचे माजी नगरसेवक अभिषेक घोसाळकर यांची गुरुवारी दहिसर येथे गोळ्या झाडून हत्या करण्यात आली. माजी आमदार विनोद घोसाळकर यांच्या पुत्रावर मॉरिस नारोन्हा ऊर्फ मॉरिस भाई नावाच्या व्यक्तीने 5 गोळ्या झाडल्या. यानंतर मॉरिसनेही आत्महत्या केली. या हत्याकांडामुळे महाराष्ट्रातील राजकारण चांगलेच तापलेलं असताना आता या प्रकरणात पोलिसांनी तपास सुरु केला आहे. मुंबई पोलिसांच्या गुन्हे शाखेकडे हे प्रकरण वर्ग करण्यात आलं असून पोलिसांनी तपास सुरु केला आहे. प्राथमिक तपासामध्ये नवीन माहिती समोर येत असतानाच मॉरिसच्या पत्नीने खळबळजनक दावा केला आहे.
दहिसरमध्ये घडलेल्या घटनेची संपूर्ण माहिती पोलिसांकडून घेतली जात आहे. घटनेची माहिती मिळताच पोलीस गुरुवारी रात्रीच मॉरिसच्या ऑफिसमध्ये दाखल झाले. हे ऑफिस सील करण्यात आलं असून घोसाळकर आणि मॉरिसची लोकप्रियता पाहता या ठिकाणी मोठा पोलीस बंदोबस्त ठेवण्यात आला. पोलिसांनी वेगवेगळ्या तुकड्या करुन या प्रकरणाचा तपास सुरु केला. दरम्यान पोलिसांच्या एका टीमनं मॉरिसच्या पत्नीची चौकशी सुरु केली आहे. काही दिवसांपूर्वीच घटस्फोट झालेल्या मॉरिसच्या पत्नीनं पोलिसांकडे धक्कादायक खुलासा केला आहे.
पोलिसांनी मॉरिसच्या पत्नीचा जबाब नोंदवला जात असल्याची माहिती सूत्रांनी दिली आहे. या जबाबामध्ये मॉरिशच्या पत्नीने पोलिसांकडे धक्कादायक खुलासा केला आहे. सूत्रांनी दिलेल्या माहितीनुसार, मॉरिशच्या मनात घोसाळकर यांच्याविरुद्ध तीव्र संताप होता, अशी माहिती मॉरिशच्या पत्नीने दिली आहे. “अशा परिस्थितीमध्ये जवळपास साडेचार महिने मॉरिस हा बलात्काराच्या गुन्ह्यात तुरुंगात राहून आला होता. जामीनावर तुरुंगातून सुटून घरी आल्यानंतर मॉरिस सारखा, ‘मी अभिषेक घोसाळकरला सोडणार नाही. मारून टाकणार!’ असं बोलायचा,” अशी माहितीही मॉरिसच्या पत्नीने दिल्याचं सूत्रांनी म्हटलं आहे. काही दिवसांपूर्वीच मॉरिस आणि त्याच्या पत्नीचा घटस्फोट झाल्याची माहितीही सूत्रांनी दिली आहे.
नक्की वाचा >> मृत्यूआधी आदित्य ठाकरेंना भेटलेले घोसाळकर! जाहीर सभेत आदित्य म्हणाले, ‘आता 5 वाजता…’
मयत आरोपी मॉरिसचा स्वीय सहाय्यक मेहुल पारीखला रात्री उशिरा मुंबई पोलिसांनी ताब्यात घेतलं आहे. मिळालेल्या माहितीनुसार, घटनेच्यावेळी मेहुल पारीख घटनास्थळी उपस्थित होता. फेसबुक लाईव्ह सुरु असताना कॅमेराच्या मागे मागे मेहुलचं उपस्थित होता. मेहुल हा मॉरिसच्या अगदी जवळचा साथीदार असल्याचं म्हटलं जातं. त्यामुळे या हत्येचा कट रचण्यात त्याचीही काही भूमिका होती का, याचा तपास पोलीस करत आहेत.
नक्की वाचा >> तो फोन कॉल, ऑफिसमधले लाईट्स गेले अन्..; Eyewitness ने सांगितला घोसाळकरांवरील गोळीबाराचा थरार
मॉरिसने घोसाळकरांवर ज्या पिस्तुलमधून गोळीबार केला ते त्याच्या मालकीचं नव्हतं. मॉरिसला पोलिसांनी शस्त्र परवानाचा दिलेला नव्हता अशी माहिती समोर आल्यानंतर पोलिसांनी शोध घेतला असता मॉरिसचा बॉडीगार्ड शर्मा यांच्या नावाने परवाना जारी केलेलं पिस्तुल मॉरिसने वापरल्याचं स्पष्ट झालं आहे. पोलिसांनी शर्माला अटक केली आहे.
मौजमजा करण्यासाठी महाविद्यालयीन मुलांनी अनोखी शक्कल लढवली आहे. घरची सर्वसाधारण परिस्थिती पण मौजमजा करण्याची हौस पूर्ण करण्यासाठी महाविद्यालयीन मुलांनी सोनसाखळी चोरी केल्याची घटना समोर आली आहे. नाशिकच्या आडगाव पोलीस ठाण्याच्या हद्दीत ही घटना घडली आहे. याप्रकरणी दोन जणांना ताब्यात घेण्यात आलं आहे.
नाशिकच्या आडगाव पोलीस ठाण्याच्या हद्दीत सोनसाखळी चोरीच्या घटना वाढल्याची माहिती समोर आली होती. त्यानंतर नाशिक शहर गुन्हे शाखा युनिट १ च्या पथकाने परिसरातील सीसीटीव्ही फुटेजची तपासणी केली. यावेळी लाल रंगाच्या मोपेडवरुन दोन व्यक्ती सोनसाखळी चोरी करत असल्याचे समोर आले होते. या प्रकरणातील संशयित सिडको परिसरातील असल्याची माहिती पोलिसांना मिळाली होती.
यानंतर पोलिसांनी दोन महाविद्यालयीन मुलांना ताब्यात घेतले. या दोघांची कसून चौकशी करण्यात आली. यावेळी त्यांनी शहरातील आडगाव आणि म्हसरूळ पोलीस ठाणे हद्दीत प्रत्येकी तीन असे एकूण सहा गुन्हे केल्याची कबुली दिली आहे. घरची परिस्थिती सर्वसाधारण असल्याने त्यांनी सोनसाखळी चोरी करण्यास सुरुवात केली. पहिल्या प्रयत्नात महिलेचे मंगळसूत्र चोरले. त्यातून त्यांना चांगला पैसा मिळाला. सहज पैसे मिळत असल्याने त्या दोन महाविद्यालयीन मुलांनी सोनसाखळी चोरी करण्यास सुरुवात केली.
ते दोघेही संध्याकाळी निर्जन रस्त्यावर महिलांना हेरुन सोनसाखळी चोरी करत असे. यातून मिळालेल्या पैशातून त्यांनी चांगले कपडे, महागडे मोबाईल खरेदी केले. त्याबरोबरच मौजमजा सुद्धा केली, अशी माहिती पोलिस तपासादरम्यान समोर आली आहे. त्यांच्याकडून 6 सोनसाखळी गुन्ह्यातील चोरीस गेलेला मुद्देमाल, त्यात वापरलेली मोपेड आणि मोटार सायकल असा एकूण 6 लाख 70 हजारांचा मुद्देमाल हस्तगत करण्यात आला आहे.
सोनसाखळी प्रकरणातील हे दोन महाविद्यालयीन तरुण अल्पवयीन आहेत. ते दोघेही नाशिकच्या सिडको परिसरात वास्तव्यास आहेत. ते नाशिकच्या महाविद्यालयात शिक्षण घेत आहेत. त्या दोघांची परिस्थिती सर्वसाधारण आहे. त्या दोघांनाही मौजमजा करण्याची हौस आणि महागडे मोबाईल वापरण्याची हौस असल्याची माहिती पोलिस तपासात उघड झाली आहे.
Konkan Railway Megablock News Update : कोकण रेल्वे मार्गावरील मेल-एक्स्प्रेस गाडया सुरळित आणि सुरक्षित धाव्यात म्हणून कोकण रेल्वेकडून देखभाल दुरुस्तीच्या कामावर लक्ष केंद्रित केले आहे. याचपार्श्वभूमीर कोकण रेल्वेकडून आडवली – आचिर्णे विभागादरम्यान मालमत्तेच्या देखभालीसाठी उद्या (9 फेब्रुवारी) ब्लॉक घेण्याचा निर्णय घेतला आहे. मात्र याचा परिणाम एक्स्प्रेस होणार आहे. मेगाब्लॉकमुळे दोन एक्स्प्रेस तब्बल 90 मिनिटे उशीराने धावणार आहेत. जर तुम्ही 9 फेब्रुवारील कोकण रेल्वे मार्गाने प्रवास करण्याचा विचार करत असाल तर रेल्वेचे वेळापत्रक एकदा नक्का तपासा…
कोकण रेल्वेने दिलेल्या माहितीनुसार, आडवली – आचिर्णे स्थानकादरम्यान मालमत्तेच्या देखभालीसाठी 2.30 तासांचा मेगा ब्लॉक घेण्यात येणार आहे. हा ब्लॉक 9 फेब्रुवारीला सकाळी ते सकाळी 11.30 या वेळेत असणार आहे. मात्र या ब्लॉकचा परिणाम सावंतवाडी रोड – दिवा एक्स्प्रेस आणि मुंबई सीएसएमटी – मडगाव जनशताब्दी एक्स्प्रेसचा प्रवास विलंबाने होणार आहे.
10106 सावंतवाडी रोड – दिवा एक्स्प्रेसचा प्रवास 9 फेब्रुवारीला सावंतवाडी रोड – कणकवली विभागादरम्यान 90 मिनिटांसाठी थांबविला जाणार आहे. तर 12051 मुंबई सीएसएमटी – मडगाव जं.सुरू होणाऱ्या जनशताब्दी एक्स्प्रेसचा प्रवास रत्नागिरी स्थानकावर 10 मिनिटांसाठी थांबविण्यात येणार आहे.
कोकण रेल्वे मार्गावरून प्रवास करणाऱ्या प्रवाशांसाठी खूशखबर असून कोकण रेल्वेने चिपळूण ते पनवेल आणि पनवेल ते रत्नागिरी दरम्यान अनारक्षित मेमू स्पेशल ट्रेन चालवण्याची घोषणा केली आहे. त्यामुळे मुंबईहून चिपळूणला जाणाऱ्या प्रवाशांना मोठा दिलासा मिळणार आहे. कोकण रेल्वेने दिलेल्या माहितीनुसार, ट्रेन क्रमांक 01158 चिपळूण – पनवेल अनारक्षित स्पेशल मेमू रविवारी दुपारी 3 वाजून 25 मिनिटांनी पनवेल, 31 मार्चपर्यंत त्याच दिवशी रात्री 8 वाजून 15 मिनिटांनी पनवेलला पोहोचेल. ट्रेन क्रमांक 01157 पनवेल-रत्नागिरी अनारक्षित विशेष मेमू रविवारी रात्री 8 वाजून 25 मिनिटांनी दुसऱ्या दिवशी पहाटे 4 वाजता रत्नागिरीला पोहोचेल.
या गाडीला अंजनी, खेड, कळंबणी बुद्रुक, दिवाणखवटी, विन्हेरे, करंजाडी, सापे वामणे, वीर, गोरेगाव रोड, माणगाव, इंदापूर, कोलाड, रोहा, निडी, नागोठणे, कासू, पेण, हमरापूर, जिते, आपटा, रसायनी आणि सोमाटणे स्टेशनवर थांबा असून या ट्रेनला 8 कोच आणि अनारक्षित मेमू असणार आहे.
